Paper & Coffee (已結業)

浸會大學校園內出現Paper & Coffee，位於canteen隔離。叫左黑醋雞肉漢堡配沙律($42)+Flat White($26)，沙律可以自己揀，揀左茄子。大大舊炸雞，好脆亦好足料，真係咁大舊雞肉，唔會成舊粉咁。茄子沙律原來係柚子味。Flat white有靚靚拉花，但咖啡味個人認為淡左啲。份量對細食女仔黎講岩岩好。其實呢度仲有好多唔同食物，擔心漢堡唔夠飽仲可以叫飯或者其他野食。咖啡種類亦好多。行入餐廳時，會以為自己去錯地方，但其實呢度真係食野嘅地方黎架。同行朋友叫左素雞漢堡，上面有牛油果醬都好吸引，芒果藜麥沙律亦好味。