丼吉日式吉列豬排專門店 (形點 I)

落完單店員就俾左個芝麻我地磨，磨完加豬扒汁點吉列豬食，好香芝麻味。

吉列豬扒定食

$178

吉列豬扒炸得香脆鬆軟，有少少肥肥地，唔會覺覺好油膩，好正🤤

麵豉湯都算足料～

吉列豬柳拼生蠔定食

$208

吉列豬柳有少少「鞋」，豬扒比較好嫩同好食。

吉列生蠔就夠大粒，無縮水，唔錯唔錯♥️鍾意點蠔個沙律醬，之後我都用佢黎點吉列豬，味道都好夾！

左右兩個汁係加落菜度食的，酸酸地好開胃~

梳打正正常常，無咩特別。

巨峰提子梳打

見佢會員有得加$8飲青汁。

整體而言，啲野食係好味道的，係偏貴一點，環境舒服😌