汀汀烤活魚 (已結業)

經常經過呢間汀汀烤活魚，才想試好耐了，終於約到朋友黎一齊食番次！黎到必試嘅當然係呢度嘅招牌烤魚啦！我地點咗一個烤魽魚鍋。其實除咗魚，仲有麻辣火鍋，重慶雞煲等選擇。好快就有野食喇，好大條魚呀，等個湯滾一滾就急不及待起筷魚了表面烤得好香，裡面係啖啖嫩滑嘅魚肉，加埋麻辣酸菜湯，非常惹味食到差不多，就加湯打邊爐喇！不少得嘅當然係肥牛，點咗個手切雪花肥牛，雲吞并韭菜餃，響鈴，仲有午餐肉。肥牛唔會太淋太韌，剛剛好。雙并餃幾足料。響鈴浸滿惹味湯汁真係好正，午餐肉我就鍾意淥淋d，入味d先食。