勝香園

营业中

休息中

今日做野经开中环，谂起好耐没食过呢间老字号 - 胜香园。由于啱啱好十二点，啲人仲未开始放lunch，所以一埋去就有位。一坐低就叫左两样野食，分别是蕃茄牛肉太阳蛋面同埋咖央多士。个面好快就整好，不过多士反而要耐啲，因为多人叫，要逐份整。蕃茄牛肉太阳蛋面 ($36)讲番茄牛蛋面先，汤底超浓，而且茄肉超多，不过就略嫌有些少酸，但属可接受范围。至于牛肉份量就正常，唔算太多或太少，同埋都算稔身，唔错。咖央多士 ($18)另外嘅咖央多士就用左厚多士，面头有一层薄薄嘅咖央酱，头两件食落都脆身，不过食完碗面再食就变硬左。啲酱落得啱啱好，唔会太多食到成口酱，平衡番。值得一题嘅是，强烈建议大家秋冬先去食，一路食一路流汗都食得有啲辛苦。唔怕热就夏天挑战下啦。