榮哥煮場 (已結業)

🔸 *餐廳資料* 榮哥煮場*地址* ：旺角山東街55號地舖前幾日同老公去旺角行街，佢帶咗我去呢間榮哥煮場度食嘢。個名幾得意，餐廳環境都好舒服寬躺。因為唔想諗，所以我哋就叫咗一個全日供應嘅二人餐，盛惠$268。※陳醋雲耳：首先前菜食返碟雲耳，加了陳醋，酸酸地好開胃。※濃湯花膠雞煲：用爐滾着煲， 熱辣辣 ， 雞湯鮮味無窮，不加味道， 花膠份量好多，好滑充滿骨膠原，而且很爽口。雞肉 彈牙嫰滑 ，而且雞味都好香濃，份量多，似有半隻雞，材料好豐富，仲有雲耳同芹菜。※粟米斑塊：炸得非常香脆，魚塊新鮮，入面好有魚香。加上甜甜嘅粟米，滋味無窮。份量都好多，好抵。※是日甜品楊枝甘露：※最後食返個甜品甜入心，有芒果肉好足料。西米都夠多夠滑，有種甜甜蜜蜜的感覺。###本身配兩個飯，如果唔想要可以一位加十二元轉一碗：米線，淮山面，烏冬或是煤炭飯。或是兩個飯唔要免費轉一碗米線，淮山面，烏冬，炭飯。唔食咁多飯落單時話少飯都可以。