泰濃麵 (蘭芳道) (已結業)

M佬去咗泰國公幹，日日都share好多泰國嘢食相俾我，真係睇到我好很嬲呀！我決定化悲憤為食量，我都要share番香港嘅泰國好味道俾你，今日就同C同事去到銅鑼灣嘅泰濃麵，食我嘅comfort food - 船河啦！泰式小食拼盤同朋友食飯，小食拼盤當然係必點項目。呢個拼盤有炸蝦餅、雞翼同炸芝士雲吞，份量唔多，但質素取勝！樣樣嘢都炸得好香口，而彈牙嘅蝦餅點上泰式辣醬，酸酸辣辣夠晒惹味。船湯頂級安格斯牛肉薯粉船湯用咗超過 20 種材料，再加上泰北香料、豬骨同豬紅等熬製，所以湯色夠深，香濃又有層次！安格斯牛肉嘅牛味香濃，份量足，配菜仲有蘿蔔、炸豬皮、魚蛋同秋葵，食材豐富。而薯粉夠Q彈，口感一流。船湯黑豚肉金邊粉黑豚肉份量唔少，唔肥膩，而金邊粉掛湯能力高，索晒湯底精華！配菜有齊蘿蔔、炸豬皮、魚蛋同秋葵，好豐富呀。泰式龍眼冰、青檸梳打特飲食泰國嘢又點少得叫番杯泰國特飲呢？龍眼冰唔甜，仲有勁多龍眼肉；而青檸梳打用上泰國進口梳打水，酸度啱啱好，爽呀！