胡爐 (已結業)

天氣乍暖還寒，今日涼涼地梗係去打邊爐啦！餐廳除咗有用木牆隔開座位，亦有提供房間，適合一班人聚會🌟胡椒豬肚花膠雞鍋🥘職員推介，當然要試吓🥘雞肉花膠胡椒粉同湯底分開上，職員教先試下個湯底，再慢慢分批加雞肉。亦可按口味自行加胡椒粉。🥘用湯勺攪一攪，湯底本身都好多材料，豬肚、枝竹、酸菜等。🥘湯底鮮甜、濃郁，未開始食已經忍唔住係咁飲湯😂🌟招牌特色丸類拼盤🥘唔好睇啲丸細細粒，每款丸食落都好彈牙！🥘手打香茜炸菜牛丸食落有啲似茶樓山竹牛肉球🤣🥘梅菜豬肉丸味道都好特別🌟招牌特色餃類拼盤 🥘一碟有齊黑松露蟹肉餃、手工雲吞、自家製菲菜餃同香荽豚肉餃🥘每款餃類都真材實料，尤其黑松露蟹肉餃，一啖咬落去黑松露嘅香氣即充滿口腔!🥘手工雲吞亦好足料！啲蝦好大隻爽口！🌟胡爐牛拼盆🥘一盆有齊牛舌心、安格斯手切肥牛、極上手切牛頸脊、牛胸爽、霜降牛粒！可以試到唔同牛部位🥘牛肉質素有驚喜，尤其牛舌心，平時只會食燒牛舌，原來滾過嘅牛舌心都好爽口！🥘個人覺得牛胸爽切得有啲厚，如果薄啲會更易咬🥘霜降牛粒煮完一啲都唔鞋，入面仲有肉汁！🌟曰式和風蕃茄沙律🥘食咁多熱氣嘢食返個沙律🥘蕃茄都新鮮，加埋和風醬，酸酸地可解膩總結：胡椒豬肚花膠雞鍋