京林屋 (已搬遷) 新店位置

而家香港開抹茶食品既地方真係一間比一間多，我同男友都係抹茶控，一有餐廳推出抹茶系列既食物，我地都會抽空去食下係咪我地喜愛既味道，而依間係我地至愛，間唔中我地就會黎依度食甜品今晚我地又黎左依度食晚飯，係度食完晚飯當然要食埋甜品先叫滿足<<熱讚歧烏冬>>湯底濃郁但唔會好咸，烏冬比平時食既日本烏冬較扁身，食落爽滑彈牙，配左兩塊大大塊既魚肉餅，味道似韓式既魚糕味道，口感煙韌彈牙，好味道<<抹茶蕎麥冷麵>>冷麵軟硬度剛剛好，冷麵醬汁加入附帶既芥末同蘿蔔蓉，冷麵沾住食落帶微微既芥末辣，仲有酸蘿蔔條配菜，幾開胃<<玉露•紅豆白玉>>依款甜品係跟玉露茶一齊上，有指引教學如何沖到二至三杯，茶味飲落回甘同香濃，食一口紅豆加粒白玉，再飲啖茶，個味道十分之夾，令個食落個味道變得相對無咁甜同去左份濟既感覺，最後沖完剩低既茶葉可以倒入柚子醬油撈埋食，味道甘苦帶酸，將茶葉當菜食，幾特別<<林屋抹茶芭菲>>抹茶雪糕食落好濃，有回甘既綠茶香，唔覺得奶，味道好清新，旁邊係紅豆白玉同抹茶苟蒻，苟蒻