Oasis Corner (已結業)

今日調左去觀塘返工，問下D同事係附近有咩好嘢食，我話想飲杯咖啡，佢就帶我去咗成業街19-21號成個業工業大廈4樓16號舖 Oasis Corner 舖頭地方雖然唔大，但係裝修都算好整齊整潔，加上舖頭以貓貓做主題，對我啲鍾意貓嘅人來講特別開心。煙三文魚卡邦尼意粉 煙三文魚有小小鹽香，加上三文魚保留到魚肉嘅鮮味，經過煙燻帶一點薄薄的煙香，味道剛剛好，三文魚肉有彈性，色澤鮮艷，口感肥美豐富，三文魚香味停留口中，久久不散。卡邦尼意粉亦都做得好出色，上面鋪滿一層芝士，加上有少許蜆肉，每條意粉都沾上芝士味道，而蜆肉又帶點鮮味，味道好有層次。黑松露蝦炒意粉 黑松露鋪滿喺意粉上面，加上意粉炒到好香，意粉嘅軟硬度適中，蝦比較大隻，肉質爽口彈牙，鮮蝦嘅味道配上黑松露，令到味道更加突出 日本抹茶鮮奶咖啡 抹茶味道清香，見到抹茶慢慢同咖啡融為一體，再去品嚐，先嚐到咖啡嘅香濃，慢慢又感受到抹茶嘅清新。味道好配合。榛子咖啡亦都做得好出色，甜甜嘅榛果味道，配合咖啡嘅甘香，既香濃又香甜。