冒喜 (柏廷坊) (已搬遷) 新店位置

好辣既我同朋友最近就去左【冒喜】上環分店食成都冒菜，冒菜係成都地道小吃、類似麻辣燙既做法。冒菜傳統做法一般都係麻辣湯底，但【冒喜】可以選擇幾款唔同湯底，有辣有唔辣。香辣湯底小辣：配魚腐、火腿腸、肥牛、蒜香墨魚丸、海帶結、丁家脆哨、番薯粉。香辣湯底小辣都偏辣，建議量力而爲。香辣湯超級香濃、唔會得死辣，非常重香料、葱蒜等調味，仲有加D豆瓣醬。非常推薦魚腐、肥牛同蒜香墨魚丸、非常吸湯、而且蒜香墨魚丸非常彈牙。生椰番茄湯：配魚腐、手搥牛肉丸、滑牛肉、冰豆腐、魔芋片、蟹籽丸、土豆粉。新出湯底、椰汁味超級濃，番茄又唔會太酸。手搥牛肉丸、冰豆腐、魔芋片都不錯，尤其牛肉丸、裏面超級juicy。冰豆腐超級吸湯，魔芋片幾特別。麻辣蓮藕片：分量都算多，麻辣好香、麻度岩岩好、又唔會太辣、仲有少少甜甜地。洛神花山楂蘋果：酸酸甜甜、蘋果味濃。酸梅青檸烏龍茶：酸梅味加青檸好清爽。酸梅冰粉：食完辣野再食冰粉一流，酸梅味更濃。