良記餐廳(老鳳冰室) (已結業)

充滿香港特式的冰室真係買少見少，絕對值得支持！原來知音人士有好多，好彩等幾分鐘就可以入座環境、音樂、餐牌、菜名，好似拍緊戲咁，感受到80年代既懷舊感覺連餐牌都特別過人呀今次我的第一個重點是飛仔華田，每一個人都推介，每一個人都大讚，OMG，絕對要試！哈哈，我終於試了！最頂有燕麥、朱古力脆脆、忌廉、燕麥及啤牌型的威化餅。在不攪拌下，先試一啖，不得了的濃郁阿華田，不是水流流的這種，口感很實在。再攪拌忌廉，creamy加埋阿華田，唔算太太太甜，真係perfect match! 黑松露滑蛋多士：睇相好似好細份，但真實係好多份架！多士一寸厚，滑蛋有寸半咁厚，食落似有6隻蛋咁多呀！啲蛋煮到唔係好熟，仲係好滑，加埋黑松露醬，即是高級曬！多士入面唔太乾，但外面熱辣辣同埋脆口，好抵食！雞翼芝士撈丁：記住一上就即撈，撈到每條麵都係芝士就好正啦！波波奶茶紅豆：啲冰係用奶茶雪冰，就算溶左都係濃濃既奶茶，飲到最後絕對唔會淡左！紅豆時間煮得夠，有起沙既感覺份量大，超抵食，黎開深水埗都要試下呀！