由於工作所以就只能夠買啲小食，於是就發現咗呢間舖位唔蟹顯眼嘅小店，唔好睇佢舖位細細，原來佢都係米芝蓮食府嚟～（食完行返轉頭睇先知😅）
今次就叫咗碗蚵仔麵線外賣，一打開蓋，蚵仔肥美多汁大大隻，一咬落口即刻爆漿，鮮味爆燈！配埋啲順滑嘅麵線，軟而不爛，每一啖都係滿滿嘅台灣味～真係食完都想再嗌多碗！😋
最正係佢哋嘅蚵仔完全冇沙粒，睇得出師傅好用心處理，連配料都一絲不苟！仲有啲新鮮青菜點綴，清甜爽口，完美平衡成碗麵嘅口感！💯
講真，要搵到咁高水準嘅台式麵線真係唔容易，絕對值得專程去食！想食到正宗台式蚵仔麵線，丁爸食府絕對係首選！👍🏻
