影片
更多
2022-04-26
86 浏览
新開張台式火鍋 性價比一般 失望而回 牛品台式火鍋推薦： 🍉🍉🍉 (3/5) 味道： 🍉🍉🍉(3/5) 價錢： 🍉🍉 (2/5) 打卡： 🍉🍉 (2/5) 位置： 🍉🍉🍉🍉 (4/5) 回訪： 🍉🍉 (2/5)牛御品吃到飽套餐 $279+ $20 (特別日子收費)一開頭嚟到碟牛肉真係幾靚，食完第一碟我仲講左句：今晚要食好多肉，因為第一碟食落真係好香肉味，入口嫩滑，唔會有雪味，點知原來得第一碟靚，之後每況愈下🤦🏻♀️附送嘅各牛丸亦都唔算太出色，牛大人嘅和牛丸好食過佢🤦🏻♀️湯底我哋選擇咗麻辣鍋同蕃茄濃湯鍋，麻辣鍋辣就幾辣，但無乜麻感，偏鹹，蕃茄濃湯鍋內連有幾隻蛋餃，但係個湯滾起嘅時候啲蛋餃已經散到淨係搵得番蛋皮😂😂食物款式唔多，有幾款幾特別 e.g. 粟米貢丸、百頁豆腐，菜類較少，娃娃菜/翠玉瓜都無(所以當晚無食過菜🤦🏻♀️)嘢飲選擇都唔多，只有罐裝/紙包飲品，無台式打邊爐好流行會有嘅樽裝茶，焗住要飲啲甜到漏嘅嘢飲🤦🏻♀️QR code點餐頁面上方會有倒時ti
推薦： 🍉🍉🍉 (3/5) 味道： 🍉🍉🍉(3/5) 價錢： 🍉🍉 (2/5) 打卡： 🍉🍉 (2/5)
位置： 🍉🍉🍉🍉 (4/5) 回訪： 🍉🍉 (2/5)
牛御品吃到飽套餐 $279+ $20 (特別日子收費)
一開頭嚟到碟牛肉真係幾靚，食完第一碟我仲講左句：今晚要食好多肉，因為第一碟食落真係好香肉味，入口嫩滑，唔會有雪味，點知原來得第一碟靚，之後每況愈下🤦🏻♀️附送嘅各牛丸亦都唔算太出色，牛大人嘅和牛丸好食過佢🤦🏻♀️
湯底我哋選擇咗麻辣鍋同蕃茄濃湯鍋，麻辣鍋辣就幾辣，但無乜麻感，偏鹹，蕃茄濃湯鍋內連有幾隻蛋餃，但係個湯滾起嘅時候啲蛋餃已經散到淨係搵得番蛋皮😂😂食物款式唔多，有幾款幾特別 e.g. 粟米貢丸、百頁豆腐，菜類較少，娃娃菜/翠玉瓜都無(所以當晚無食過菜🤦🏻♀️)嘢飲選擇都唔多，只有罐裝/紙包飲品，無台式打邊爐好流行會有嘅樽裝茶，焗住要飲啲甜到漏嘅嘢飲🤦🏻♀️
QR code點餐頁面上方會有倒時timer，雖然係幾user friendly，但係食嘅時候就會凝住得番好少時間，食得好趕🙈嘢食落單後5分鐘內會送到，都幾快，亦都無漏單👍埋單嘅時候可以選擇一杯Movenpick雪糕/一碗芋圓仙草🍦
熟食方面反而有驚喜，台灣腸煎得好香脆，甜不辣一份係成塊上，鴨血一份有3份，唔算太香，不過幾軟腍同彈牙，同埋佢都幾辣👍亦都有比較少見但我好鐘意食嘅醉雞卷👍
呢個價錢嚟講，我諗有好大部分都係因為佢嘅地理位置，$300呢個價位，牛肉質素尚可，打邊爐餸料同嘢飲選擇都少，台灣小食正常，我自己就覺得唔係幾抵啦😐唔知大家又去開邊度打邊爐呢~後記
💟 Reception個位接待員態度非常友善，同時都不停推銷我哋食貴啲嘅餐同點樣拎到最多discount，但最後埋單同入座前聽到嘅優惠有出入，扣咗啲印象分😥
💟 有加一服務費
💟 見到上網同當晚到訪嘅隔離枱都有system入錯餐嘅問題(e.g. 叫咗$279牛御品嘅套餐但只有$229牛極品/$179牛上品嘅牛肉)，叫餐嘅時候可以留意吓有無出現呢個問題
📍 牛品台式火鍋
地址：尖沙咀樂道32-34號1樓
张贴
