悅火 (已結業)

今日跟老朋友黎到係紅磡既悅火食飯，我叫既刺身七品定食同朋友交既特上壽司十貫❕都非常好食❗️首先一定要提既係全部魚生都係厚切，大大塊口感一流！而且味道新鮮，冇腥味，搭配即磨既芥末，入口順滑，其中拖羅幾乎入口即溶！海膽同甜蝦非常鮮甜，有媲美日本築地既質素❗️兩個套餐仲包括沙律、蒸蛋、麵豉湯、白飯同甜品。$300左右既價錢就可以食到咁豐富既刺身定食，性價比非常高！而且呢間既環境隱密，唔會特別吵鬧，裝修簡約而高級，好適合朋友聚餐談心，真係好有驚喜❗️❗️❗️