616牛肉火鍋專門店 (已結業)

之前上過去深圳食牛肉火鍋，估唔到香港都有呢種專門食牛肉既火鍋店。基本上肉類黎講呢間店只係得牛肉，係唔同部位既牛肉。每個部位既肉食落去口感同淥既時間都唔同，一般既火鍋店好少可以食到呢d特別部位。616七桌子既店面係懷舊設計，仲有半架麵包車係玻璃窗前。我地揀左鴛鴦酸菜牛骨湯底，我自己比較中意牛骨湯底多d，湯底好鮮甜，可以食到牛肉既原味。基本上大部分部位我地都叫左黎試，有幾個部位我比較推薦。金花趾係牛腳既部分，滾六秒就夠，肉比較厚個係一d都唔會”鞋”，好嫩又夠厚實。牛朴肉亦都係我比較中意既部分，有d筋同脂肪，咬落去個感覺脆脆地但係又唔會咬唔斷，又口感又好食。除左肉之外，黃喉都係比較少見既部位，係牛既大動脈，非常脆，好過癮。