亞蘇爾 (形點) (已結業)

如果話想食葡國菜既，唔一定要去澳門既。今次我就喺元朗Yoho Mall入面發現一間高質澳門葡國菜餐廳—亞蘇爾前菜我地就點左辣肉腸松露多士。多士每一塊都非常大塊，而且上面舖滿芝士，其實就咁食都已經好好食，但佢再舖上辣肉腸同松露，就令成個多士更加香更好食👍🏻另外我地亦點左芝士馬介休球同墨魚餅。墨魚餅亦係非常大件，但佢又唔會成件都係粉，啖啖墨魚肉。加上配汁辣辣地，非常惹味。而馬介休球就係經典既葡國小食，食落有芝士既香，亦有薯蓉既口感，配上香草沙律汁更可減輕熱氣既感覺。而主食方面就點左鵝肝焗鴨飯，呢個飯亦係相當推介，因為首先配上鵝肝同辣肉腸已經令人流晒口水，再加上特製醬汁黎焗飯，得岀黎既制成品就色香味俱全啦👍🏻👍🏻最後飲品方面我就點左一杯薄荷朱古力冰沙，薄荷味都相當重，再配上我最愛既朱古力，好飲👍🏻