老街 (已搬遷) 新店位置

🇹🇼旺角都食到嘅台灣味 小滷肉飯🍚 ($28)份量同味道都相當似係台灣食到嘅，滷肉半肥瘦，調味唔重手，汁剛剛好夠撈飯，當然價錢貴過當地好多啦，不過掛住台灣嘅，可以一試。紅燒牛肉麵🍜 ($55)份量大到足夠兩個人食😂，牛肉炆得十分入味，而且好多舊牛肉都連少少根，但滷到淋曬，膠質重。麵質彈牙，而湯底較重酒味，偏鹹，食完都要飲多兩杯水。鹽酥雞🐥 ($25)司令覺得呢度嘅鹽酥雞做得幾出色，雞粒外皮炸得好酥，但又唔會炸粉太多而導致外皮好厚，抵讚。滷味切大腸🐷 ($22)本身以為小食都係幾舊仔，一上枱，雖然係細碟，但堆疊起黎，前前後後都十幾廿舊。大腸乾淨，滷得入味，如果加少少辣椒油就正啦。