日本雪糕物語 (金馬倫道) (已結業)

雪糕物語都開左差唔多成個禮拜，不過小編都係啱啱先有時間去試😁講到雪糕呢家野梗係要係冬天食啦！小編今次就決定要試咗香港首創嘅金枕頭榴槤味雪糕先，唔知呢度多唔多榴槤控尼？首先就介紹左個CREMIA軟雪糕先，其實之前引入香港嗰陣已經介紹過，不過今次去雪糕物語到食覺得就好似有少少分別咁喎！今次去食小編就覺得個雪糕比以前厚身左實淨左，同埋冇咁容易溶（可能係因為冬天嘅關係？🤔）不過奶味重唔重今次就真係唔係太食得出啦！至於係雪糕表面嘅金枕頭榴槤粉，榴槤味真係好香好濃郁🤤但係同奶味雪糕就有少少唔夾啦，因為除咗榴槤味之外就乜都食唔出，不過小編就幾鍾意隻榴槤味所以覺得都唔差架😍至於過白之戀人雪糕筒就同之前食過嘅一樣，一樣都係咁香咁脆。抺茶嘅味道好香，雖然只有表面嗰部份先食到有抺茶味，但感覺上都好似比上次榴槤味抵食。因為今次呢一個可以食到有三種唔同味道嘅變化，由抹茶味變牛乳味再變白之戀人筒嘅牛油味，今次呢三種味道都好突出，唔會好似榴槤味咁由頭到尾淨係食到有榴槤味。所以小編今次都幾鍾意呢一個🤤