羊滋味

营业中

休息中

香港真係美食匯集No1 連蒙古菜都有😂 我都係第一次食咁正宗蒙古菜 啱晒我呢啲鍾意食羊嘅人🤣 餐廳以家庭式經營 裝潢都比較溫馨！🔖砂鍋牛肉寬粉 58整個砂鍋上，熱辣辣。好大鍋麵，配料有牛肉、豆卜、腐竹等，真係可以食飽你有剩。整體味道唔錯，而寬粉其實即係薯粉，只係較闊身，所以口感比較彈牙🔖羊肉餃子10隻 68餃子饀料有羊肉及韭菜，味道非常香濃。羊肉不韌，而且羊肉同韭菜嘅香味係口中湧出，相互交織，好好味🔖羊肉炒飯 68炒飯好香，加上有蔥、洋蔥、椒、蛋等配料炒香，本身已是好好味嘅炒飯，另外兜埋羊肉。不過炒飯本身唔帶羊味，兩者味道分明，一齊食時稍嫌羊肉味較淡🔖牛大力土伏苓燉雞湯 68燉湯好足料，一盅湯有幾嚿雞肉，又夠熱，一打開湯盅出晒煙。而且飲得出有落足藥材煲，好香藥材味，甘甘甜甜，頗為推薦