牛牛鮮

朋友話想食潮汕牛，但最近又無時間翻大陸，佢就揾左依間係旺角既潮汕牛放題叫我一齊試！去到發現除咗潮汕牛之外都仲有好多野食，有自家製飲品之外，仲有紅白酒任飲，真係好少見！熟食方面其中南乳雞翼同孜然手抓扒係我覺得最好食！

潮汕牛肉圈

潮汕牛肉火鍋
潮汕牛鋪滿成個牛肉圈，好打卡！牛肉好新鮮，每塊都切得又薄又均勻。全部牛肉都係即場人手切出尼，又乾淨又衛生，放題仲可以任叫，真係好爽！湯底清澈鮮甜，令手切牛肉更加鮮美同更有牛味！

海鮮拼盤

海鮮拼盤
拼盤有蝦、蠔同蜆！每樣都好新鮮！蝦肉非常彈牙，蠔都大大隻，熟咗都唔會勁縮水，依然好大隻！蜆亦都唔會有沙！

南乳雞翼

南乳雞翼
雞翼熱辣辣一睇就知超級酥脆，咬落去好多汁juicy，外脆內軟！雞翼醃得好入味，每一啖都充滿南乳香味！

孜然手抓扒

孜然手抓扒
手抓扒肉質都幾嫩滑，唔會靭，孜然香味都幾濃郁。

1

手工滑