嚐仙 (已結業)

台灣開嘅嚐仙喺香港有分店喇，先俾錢落單再入去坐，今日大概4:00嚟到咁岩有位唔駛等，但係食完一出嚟就超多人排隊，好彩呢！雙芋系列點左個雙芋仙草奶凍 $45，雙芋即係芋泥同芋圓，配料仲有珍珠同紅豆。同台灣嗰個有少少唔同，分量好似少啲。不過個重點芋泥一樣咁好味，好綿好香芋頭味。仙草下低仲有啲黑糖冰，加上隻碗好保冷，所以都好夠凍。芋圓同珍珠都好煙韌，不過芋圓就無乜味，紅豆好粉不錯，仙草好滑，清清的仙草味。個奶分開上，份量隨心。另外叫左黃金地瓜泥系列，黃金地瓜泥豆花 $45，地瓜泥超重番薯味，都好好味，但係我自己對芋泥有情意結。豆花唔算太滑，感覺都唔夠仙草咁凍，可以試下唔同既野比較一下。