.
餐廳雖叫【十字冰室】，但並不是由十字牌牛奶所開，只是冰室和十字牌牛奶合作。但係聽到十字就知道有十字牌牛奶就好興奮。是晚約左朋友一齊去影相加食野，試下由細飲到大既牛奶既出品究竟係點呢？
門口的霓虹招牌尤其搶眼!
入面結合懷舊香港元素與摩登設計的時尚風格，用上黑、白、灰亦都好似有復古紅磚牆、懷舊窗花、到貼滿街招的牆身鐵閘等，再加傳統的白色冰室枱，懷舊味濃。
餐牌都好有特色！而食物方面，一樣有以冰室必食的常餐為主打，常餐滑蛋升級變黑松露炒蛋，再配上蕃茄牛尾湯通粉，邪惡度急升。燉奶、軟雪糕、炒滑蛋等都加了十字牌牛奶，款款超濃奶香味！亦有多款懷舊小食！
香酥炸雞脾配懷舊雜果沙律 $42
嘩....巨型炸脾，好吸引。新鮮即炸，雞脾外皮香口夠薄脆，食落脆到有聲！一切開厚實的雞肉，內裡保留肉汁，雞肉入味肥美，如果自己一個吃的話，一定會很飽。好彩有人同我Share，旁邊伴碟的雜果沙律，應該是罐頭的吧！說不試是健康的水果粒，但減輕吃完炸雞後的油膩感。
籠仔椒鹽燒賣 $28
一個蒸籠入邊放着八粒椒鹽燒賣，籠仔賣相吸引！帶點fushion！入面放左整到有避風塘嘅味道，椒鹽燒賣，精華盡在紅椒，不過燒賣炸過但有少少油，作為一個小食黎講其實賣相，同味道真係好唔錯，惹味十足。
原本想叫黑松露櫻花蝦炒飯，結果因為太好賣，已經賣哂，所以點了...
鐵板雞扒拼吉列龍脷 $98
雞扒同吉列龍脷好大件，絕對會令一個男人飽晒咁走。
鐵板雞扒肉質腍身，雞皮都有煎香而吉列龍脷我覺得好好食呀，沒有雪藏味，雖然魚味都唔係太出，但炸粉好薄，肉又多，點試黑椒食一流！
跟埋個意粉仲唔飽到聽朝？ 哈哈！
懷舊薯條配松露蛋黃醬 $28
最鐘意就係食冰室既薯條！因為呢款懷舊薯條係有紋呢隻紋都係我好喜愛之一既款式！
配埋蛋黃醬，食落又約夾，薯條新鮮炸起但又唔會太油膩，除左茄汁配呢個蛋黃醬甜甜地幾好食，份量唔少，都係一個人既晚餐個陣係唔會點既。
美祿山，呢杯跟餐的！餐飲加10元就可以點美祿山！故明思義，一定有美祿成份在內。用上十字牌純鮮奶，再加入朱古力醬掛邊，上層再加美祿粉及胚芽粉堆至有如 「一座山」的模樣。疊得高話的，岩晒打卡吧！
十字朱古力奶昔 加配雪糕 $28
輪到甜品其實都係飲品呢，店內不少特飲都可加錢配搭軟雪糕，冰室用上十字牌牛奶製作軟雪糕，牛乳味香濃，飲落特別開心。奶茶紅豆冰、係我下一次想試既飲品呢。
十字燉奶 $20
有凍、熱燉奶，一吃便知加了十字牌牛奶，入口好滑溜，奶味濃得來帶微甜。基乎每枱都會有人點一碗架！
除了傳統冰室美食，多款創新菜式都可以係呢度搵到，多左年輕一代去食冰室都係一件好事，認識傳統品牌，一起感受本土情懷嘛！當中炒滑蛋、麥皮、燉奶、奶昔和軟雪糕都加入了十字牌牛奶款款超濃奶香味，好有細個個陣既感覺，都幾親切。又有新完素又帶點懷舊，食完可以影靚相！總結就係：只有成長，沒有倒退，加油！
