南記粉麵 (中海日升中心)

感謝今日執到我電話的客人、職員。多謝你哋，唔該曬。
今日嚟南記食最愛的小窩B餐，唔知係邊個俾我勇氣叫咗中辣，辣到我口水鼻水出曬嚟。
食到最後冇曬可樂，辣到我失憶咁😅漏咗電話係枱面都唔知。
多謝🙏🏻咁多位，有執返俾我

除咗辣之外，口味保持一貫水準。辣豬肉好好味，魚片同春卷都彈牙可口，大大嘅冬菇我鍾意，芽菜加米線配湯汁，正。
唔可以唔提有我最鍾意嘅酸菜肉碎嘅酸辣湯㡳，正到冇餸都可以食曬一碗米線。當然有餸更正斗。