民華餐廳

营业中

休息中

香港最特色嘅餐廳，一定係茶餐廳。茶餐廳常餐係必食的。滋味常餐（$46）A+B+C 加飲品，但係通粉類已經有9款，仲有四款蛋類，再加方包或多士。鮮茄牛肉通粉：番茄味好濃，牛肉算嫩滑，通粉好索湯。牛油多士配煎雙蛋：煎蛋做到脆邊效果，多士搽左牛油好香。咖喱牛筋腩飯（$50）咖喱唔算好辣，好送飯。白飯上面有隻煎蛋，撈埋咖喱食更好。呢度仲有點心食，有驚喜。鵪鶉蛋燒賣（$17）由細到大都好鍾意食嘅懷舊點心，估唔到呢度係茶餐廳，但竟然有得食！雞扎（$18）雞扎裏面有芋頭、雞肉等等，好多餡，質素穩打穩紮，常餐以外嘅好選擇。