Burgerman (欽州街) (已結業)

一諗起漢堡，好多時會聯想到快餐，價格相宜，但質素就...如果想食靚少少或者約朋友食，一係會去一d高價少少既美式餐廳，但唔代表一定好食，有次揸車經過深水埗，見到有間叫burgerman 既舖頭，走入去試下。小小舖頭，以快餐模式經營，一望個menu，有 d surprised ! Wow，有成十二款揀，而且好有特色，一於試下個至尊漢堡!漢堡好足料，我個囗都唔算細，一啖食唔哂咁多層，要斷層食...個漢堡即點即整，熱辣辣，正，連層包都用心做，少少脆，入面好軟，入面塊煙肉煎到好香脆，配上洋蔥同磨菇，好有口感，而且塊牛好多肉汁，啖啖都咬到滿囗牛肉汁，再配上塊溶溶地既cheese ，可以話係冇得輸~ 而且價錢好抵，加埋個餐，有個沙律同汽水，都唔洗一舊水，如果喺美式餐廳食，起碼要二三百蚊，所以算係大件夾抵食~~下次要試埋其他款~ I will be back😎