元朗冰室

营业中

休息中

作為屯天元人，第一次食掛住「元朗」名嘅元朗冰室係係尖沙咀。平時對豬扒嘅印象就係嚡口。所以就試試呢間最出名係嘅厚豬扒可唔可以打破呢個定律。叫咗港人最愛之一焗意式厚豬扒飯。配料正正常常，有蕃茄同菠蘿，最重要係蕃茄汁上面有芝士！蕃茄汁唔會太流質，味道唔會太酸，好岩餸飯。至於主角豬扒，都有一個指甲嘅厚度。厚得黎唔會嚡，亦都唔會好似坊間用鬆肉粉整到太淋，好味。值得一提嘅細心位係已經幫你切好曬豬扒，對女士黎講好重要架。跟餐有熱奶茶，不過唔夠奶導致唔滑。奶茶唔出色，早知轉飲紅豆冰。服務方面，明明唔係繁忙時間，店員都會有d趕人走。茶記一大缺點。