更多
2018-05-12
850 浏览
喺香港食芋圓食到有心淡嘅感覺,邊間話自己又自家製又超彈牙,食完之後都係慢慢的心淡,心諗已經唔會喺香港搵到好味嘅芋圓㗎喇今日經過太子,心情不佳,食碗芋圓睇吓會唔會心情好啲。小店嘅style,冇裝修可言,幾local不過有嗰份人情味。兩位店員忙住煲好多煲糖水,又忙住切芋圓,睇住一大舊圓切成好多好多粒圓,真係好想講不如你唔好切,成舊俾我咬好無?睇個樣非常吸引,希望食落唔會失望,始終喺香港實在失望過太多次!未睇menu前,心諗又要食豆腐花?晏晝先食完,好在呢度有6種糖水選擇,同埋最重要嘅係每款入面都有3種口味嘅圓!今日分別有糖不甩、黑糖桂圓、桂花雪梨海底椰、西米露、紫米露及喳咋,全部都係$28,有黃薯、紫薯及芋頭味嘅圓,另加$2就可以試埋綠茶及芝麻圓(各2粒)。仲可以買返屋企煮,最少300g起,有3種味或5種味,仲有教學教埋點煮桂花雪梨海底椰 ($30)熱熱哋,試個凍嘅先!小店嘅關係,等咗一陣先有。睇落非常足料,桂花味好濃,整體甜度適中,雪梨好大塊,總之成碗都好滿咁嘅樣,想淨係放啲圓喺羹度影相都唔得,因為總會有啲雪耳夾雜喺中間。先試一粒紫薯圓,口感的確非常煙韌彈牙,食咗第1下有啲失望,好似無味
今日經過太子,心情不佳,食碗芋圓睇吓會唔會心情好啲。小店嘅style,冇裝修可言,幾local不過有嗰份人情味。兩位店員忙住煲好多煲糖水,又忙住切芋圓,睇住一大舊圓切成好多好多粒圓,真係好想講不如你唔好切,成舊俾我咬好無?睇個樣非常吸引,希望食落唔會失望,始終喺香港實在失望過太多次!
未睇menu前,心諗又要食豆腐花?晏晝先食完,好在呢度有6種糖水選擇,同埋最重要嘅係每款入面都有3種口味嘅圓!今日分別有糖不甩、黑糖桂圓、桂花雪梨海底椰、西米露、紫米露及喳咋,全部都係$28,有黃薯、紫薯及芋頭味嘅圓,另加$2就可以試埋綠茶及芝麻圓(各2粒)。仲可以買返屋企煮,最少300g起,有3種味或5種味,仲有教學教埋點煮
桂花雪梨海底椰 ($30)
熱熱哋,試個凍嘅先!小店嘅關係,等咗一陣先有。睇落非常足料,桂花味好濃,整體甜度適中,雪梨好大塊,總之成碗都好滿咁嘅樣,想淨係放啲圓喺羹度影相都唔得,因為總會有啲雪耳夾雜喺中間。先試一粒紫薯圓,口感的確非常煙韌彈牙,食咗第1下有啲失望,好似無味咁嘅?!但再食落去,哇啲紫薯味係爆發出嚟㗎!!!味道仲要係好天然,瞌埋眼會以為自己係食緊一粒小紫薯,仲要完全唔覺得好甜!!!其他味道都非常出色,另外值得一讚嘅係呢度有比較少見嘅綠茶及芝麻味,綠茶味估唔到都非常突出,反而芝麻味我就麻麻,對我嚟講濃郁咗啲,鍾意芝麻嘅朋友可能會覺得唔錯。食咗咁多粒圓,每粒嘅形狀及質素都保持得好好,唔會一岩一蠶,又唔會突然有粒好爛另一粒又好彈牙咁,抵讚!同埋對於鍾意食圓嘅朋友嚟講,呢度所提供嘅份量簡直係慷慨,就算我食完幾粒試味,想留返啲最尾先食都仲有11粒剩!簡直係乜圓物圓fans嘅福音!
桂花雪梨海底椰
$30
62 浏览
0 赞好
0 留言
桂花雪梨海底椰
$30
55 浏览
0 赞好
0 留言
芝麻圓
81 浏览
0 赞好
0 留言
桂花雪梨海底椰
$30
60 浏览
0 赞好
0 留言
平時喺外面食圓,冇得揀糖水味道不特止,圓嘅份量少到一粒都唔捨得食,一係唔彈牙一係冇味一係甜到飛起,終於喺香港搵到一間唔會令人心淡嘅小店喇!心情本身不佳,食完之後回味到晚上!
张贴