影片
更多
2017-12-05
225 浏览
天氣開始涼，我地又想打邊爐喇！好彩大家都係食辣之人，去過四川成都食過正宗既蜀XX麻辣火鍋後念念不忘～咁啱香港呢一年不約而同地開左幾間正宗成都麻辣火鍋，一於去試下係咪正宗先！首先，成都注重鍋底麻而餘要香味俱全，唔係一味辣，每間火鍋店都有自己既秘製配方，不過主要材料都係大同小異～小妹只係去過成都幾次，唔熟悉佢地既獨有食材，淨係知當地麻辣火鍋開到好似7仔咁多，總有一間係左近！而四川有好多唔同辣椒品種要配合煮某個餸先至最夾！用返四川專有既辣椒當然唔少得啦！其次，食麻辣火鍋當然用至地道既食法，點芝蔴油+芫茜！據說係令食物無咁辣又增添香味！而呢度又真係同成都一樣，用一罐罐既調製蔴油，配上香蔥芫茜等等，成為我地打邊爐食既‘油碟’～我地揀呢間試第一次香港既成都麻辣火鍋，因為男朋友點名想試！入到去古色古香，四人卡位佈置幾靚幾有私隱，我地一坐低揀鴛鴦鍋之後不久就上檯！嘩！好有睇頭！大銅鍋配上金龍頭，牛油以麻將造型，湯底配料唔怕比你睇，相機食先再注入清湯，等湯底融開橙色既特製辣牛油就可以淥野食！湯底麻而不辣，香得唔同層次，食得出有落藥材但唔重味！辣度無得指明，不過一般食得辣既都會食到，事關佢有牛油保護，食落
首先，成都注重鍋底麻而餘要香味俱全，唔係一味辣，每間火鍋店都有自己既秘製配方，不過主要材料都係大同小異～小妹只係去過成都幾次，唔熟悉佢地既獨有食材，淨係知當地麻辣火鍋開到好似7仔咁多，總有一間係左近！而四川有好多唔同辣椒品種要配合煮某個餸先至最夾！用返四川專有既辣椒當然唔少得啦！
其次，食麻辣火鍋當然用至地道既食法，點芝蔴油+芫茜！據說係令食物無咁辣又增添香味！而呢度又真係同成都一樣，用一罐罐既調製蔴油，配上香蔥芫茜等等，成為我地打邊爐食既‘油碟’～
我地揀呢間試第一次香港既成都麻辣火鍋，因為男朋友點名想試！入到去古色古香，四人卡位佈置幾靚幾有私隱，我地一坐低揀鴛鴦鍋之後不久就上檯！嘩！好有睇頭！
大銅鍋配上金龍頭，牛油以麻將造型，湯底配料唔怕比你睇，相機食先再注入清湯，等湯底融開橙色既特製辣牛油就可以淥野食！湯底麻而不辣，香得唔同層次，食得出有落藥材但唔重味！辣度無得指明，不過一般食得辣既都會食到，事關佢有牛油保護，食落唔係真係太辣！反而好香！
15 浏览
0 赞好
0 留言
經過侍應介紹，我地叫左既食物特登配合個火鍋，有鬼馬油條、日本蟹柳（某人最愛）、手工四寶丸、細份手切牛肉、萵筍、雜菌拼盤、細條新鮮桂花魚，2個人食啱啱好！
每款都好有特式，萵筍切得厚，夠曬爽口！蟹柳係超級長條，仲有較剪比你剪開～口感原來同一般蟹柳唔同，煮耐左都唔會爛，最適合打邊爐！雜菌拼盤每樣都處理得乾淨夠新鮮，當中既粟米好甜！
手工四寶丸有四款各2粒，黃牛牛丸，蝦丸、墨魚丸、豬肉丸～豬肉丸加左芫茜，特別香，全部新鮮手打特別有口感，感覺有肉汁唔Dry！
手打四寶丸
103 浏览
0 赞好
0 留言
跟住到重點！手切牛肉：叫左一人份男朋友負責，店員好細心地幫我地既細份牛肉轉做唔同部位，等我地可以試多款，左邊係牛頸脊、肉眼邊，男朋友表示肉質好爽滑！肉味勁濃😍果然手切黃牛！牛肉顏色鮮紅代表十分新鮮，一定唔會係隔夜貨；肉帶有少少肥，部位夠淋！手切黃牛真係必試！！！右邊果啲白色一塊塊唔好以為唔食得，呢個部位好刁鑽，好似係吊龍伴定係牛頸心，淥幾秒後就得，淥完變透明，有啲似肥膏，咬落好爽好彈！有少少肉爽既肥膏但唔係油黎，好得意！
手切牛肉（細）
24 浏览
0 赞好
0 留言
鬼馬油條：其實應該係手打蝦膠釀油炸鬼，店員溫馨提示我地淥幾秒就食得，好脆呀！蝦膠好厚超彈牙！索到湯底味道估唔到好夾！當地人食咁多內臟都唔係咁啱香港人，佢地鐘意食兔頭、鴨頸、豬腦，諗到都驚！都係食鬼馬油條啱口味好多！
鬼馬油條
22 浏览
0 赞好
0 留言
新鮮桂花魚：店員推薦我地試桂花魚，因為味道似水煮魚！我地都好鐘意食水煮魚，點知一食之下真係覺得好正要推介必食😍原來桂花魚已起肉一件件，仲墊冰塊保持溫度，重點係無骨！好快淥熟，超級滑呀！有人食魚怕骨，而家啖啖肉，仲要索曬湯底既香辣，好入味！桂花魚仲要夠鮮嫩，一細條都有好多件，都幾抵食！
新鮮去骨桂花魚
$198
86 浏览
0 赞好
0 留言
除左熱茶，我地叫左限量既竹蔗茅根，清甜潤喉，夠足料👍🏻
6 浏览
0 赞好
0 留言
最後，唔夠好既麻辣火鍋滾左最後會出現苦味，愈食愈難食～呢個麻辣火鍋證明左唔會愈滾愈苦，仲愈滾愈香，食左咁多野，2個人啱啱好！佢地仲提供過癮造型既圍裙防止彈污租件衫！平日黎都有位，星期五六黎可能最好要訂檯了！估唔到係香港終於食到有質素既麻辣火鍋，仲要正宗成都口味！好幸福😊
张贴
