川婆婆 (寶勒巷) (已結業)

辣椒小姐我向來愛吃辣，火鍋當然係麻辣鍋為首選，但為著照顧唔食辣嘅朋友，在外打邊爐只可選擇鴛鴦鍋， 辣嘅湯底只會係唔正宗嘅所謂麻辣湯底，冇香味冇辣味。今日同男朋友拍拖， 由尖東諗住返尖咀食下午茶, 於漆咸道諗住過寶勒巷之際， 老遠見到個川字已經兩眼發光，二話不說就沿鐵樓梯上鋪頭。 鋪面裝修帶西風，有投射機播放MV, 亦有西式吊燈，配木造鐵框邊爐枱， 見餐紙以川式粉麵為主，亦有邊爐選擇。 兩口子心想，下午來個邊爐回味下成都嘅生活都唔錯。 川婆婆嘅火鍋以麻辣口味為主， 亦有國內潮興嘅九格火鍋。 但最吸引我哋嘅係清油火鍋。我同超愛麻辣，亦深愛清油鍋底嘅男友係唔需要顧及其他人嘅情況下， 下午時份就嚟個火鍋吧！深愛清油火鍋原因有二， 一鍋底冇麻辣渣， 冇咁易燶，食菜時亦唔會食到花椒，乾淨利落； 二係清油鍋底一般麻度高於麻辣鍋，刺激感超正。 但礙於香港無清油火鍋，所以一般都係喺國內先食到。餐廳用嘅鍋係黃銅鍋， 傳熱快，唔駛等好耐就湯滾，可以放食材等食。 餐廳嘅食材選擇唔算多，亦唔算貴， 反正食得麻辣鍋，食平同食貴嘅食材都一樣， 都係麻辣味蓋哂！鍋底上枱時帶有陣陣麻香， 說是對板， 要知道香港唔對板