影片
更多
2021-08-17
263 浏览
我好喜歡的純素飲品店Mother Pearl 圓貝開到鰂魚涌，雖然對於住九龍的本人都係有少少遠，但如果你在太古坊返工，真係要即刻叫同事一齊叫幾杯飲啦！新分店推出四杯期間限定飲品，有 Mirror 粉絲必試的果茶，也有茶餐廳經典冰飲健康版，我仲推介佢地的純素曲奇，過足口癮又唔驚肥，邊有咁爽架？Mother Pearl 圓貝在海光商場地鋪，對正太古坊，地鐵站A出口過馬路，沿糖廠街直行就搵到。店內環境設計同中環店差不多，牆身顏色以至頭頂的波波燈都一模一樣，好有熟悉感，一定唔會搵錯地方。中環店各種招牌飲品都可以在這邊飲到，另外再加四杯期間限定新品，亦有自家製植物奶和純素曲奇。曲奇有三款口味，主要成分係小麥粉、鷹嘴豆素蛋白、燕麥、堅果和椰子油，我係朱古力王當然直接揀朱古力味。店內做買二送一優惠，你想一次過試晒三款口味都得。純素曲奇會幫你翻熱，朱古力溶溶地好正。粒粒朱古力曲奇 HK$32這個純素曲奇有少少軟心，加上翻熱左朱古力粒處於半溶狀態，口感非常療癒。味道香濃又唔會太甜，早餐食一塊都可以。田田果園 HK$46因為我無沉迷鏡仔，所以隔左一陣先get到 XDD 這個果茶最特別係用冷泡鐵觀音底，茶香
我好喜歡的純素飲品店Mother Pearl 圓貝開到鰂魚涌，雖然對於住九龍的本人都係有少少遠，但如果你在太古坊返工，真係要即刻叫同事一齊叫幾杯飲啦！
新分店推出四杯期間限定飲品，有 Mirror 粉絲必試的果茶，也有茶餐廳經典冰飲健康版，我仲推介佢地的純素曲奇，過足口癮又唔驚肥，邊有咁爽架？
Mother Pearl 圓貝在海光商場地鋪，對正太古坊，地鐵站A出口過馬路，沿糖廠街直行就搵到。
店內環境設計同中環店差不多，牆身顏色以至頭頂的波波燈都一模一樣，好有熟悉感，一定唔會搵錯地方。
中環店各種招牌飲品都可以在這邊飲到，另外再加四杯期間限定新品，亦有自家製植物奶和純素曲奇。
曲奇有三款口味，主要成分係小麥粉、鷹嘴豆素蛋白、燕麥、堅果和椰子油，我係朱古力王當然直接揀朱古力味。店內做買二送一優惠，你想一次過試晒三款口味都得。
純素曲奇會幫你翻熱，朱古力溶溶地好正。
粒粒朱古力曲奇 HK$32
這個純素曲奇有少少軟心，加上翻熱左朱古力粒處於半溶狀態，口感非常療癒。味道香濃又唔會太甜，早餐食一塊都可以。
田田果園 HK$46
因為我無沉迷鏡仔，所以隔左一陣先get到 XDD 這個果茶最特別係用冷泡鐵觀音底，茶香同水果清新好夾，仲加左唔會肥羅漢果糖和美顏膠原蛋白。以前飲珍珠奶茶又驚肥又驚唔健康，宜家就越飲越靚你話幾神奇！
教主之吻 HK$44
鍾意飲酸野的酸酸仔就要試這杯，粉紅色來自平時香港好少食到的大黃(Rhubarb)，仲有檸汁、薑汁、羅漢果糖、雲呢拿米蓋和玫瑰鹽，杯底仲有椰果可以咬下，絕對係開胃之選。
點止冰冰 HK$56
夏天入茶餐廳就想叫杯紅豆冰，注重健康的話可以飲這杯健康升級版。自己熬煮的紅豆非常足料，配上杏仁冰奶和椰子奶蓋，整杯風味十足，最抵死係仲有雪燕和巴西莓珍珠，飲杯紅豆冰都可以順便養顏。
谷古脆冰 HK$56
去澳牛你識唔識嗌谷古先？識貨之人就要飲這杯谷古脆冰，入面係有機可可碎加純素蛋白可可冰的雙重組合，配以杏仁奶和雲呢拿米蓋，香濃可可風味朱古力控不能錯過。
抹茶蓋紅豆 HK$46
百果之香 HK$58
朱古力布朗尼 HK$48
朱古力控仲有這個 Brownie 可以試，入面係軟心蛋糕狀，味道有少少鹹鹹地唔驚膩，不過我就比較推純素曲奇勒。
好久沒去鰂魚涌，這次去新店朝聖發現這一帶多了很多健康仔選擇，在附近上班的朋友應該可以越食越健康啦！Mother pearl 新店仲推出左 Whatsapp 點餐服務，唔想落樓咪send個訊息去買純素飲品囉！
张贴
