影片
更多
2020-10-22
1688 浏览
The Cakery 是我很喜歡的一間蛋糕店，因為她們的甜點可以滿足任何飲食需要，唔理你係純素、無麩質以致生酮飲食，都可以食到又靚又好食的蛋糕甜品，配埋杯植物奶咖啡絕對係美好人生。The Cakery 有幾間分店，以外帶蛋糕為主，如果想坐低慢慢食或者約朋友傾計，可以來到銅鑼灣利園二期的分店。除了純素蛋糕甜點，仲有咖啡飲架。純素牛角包 HK$20 / 純素朱古力牛角包 HK$22嘩！香港終於有純素牛角包食，仲有原味和朱古力味可以揀，牛角包都幾大，無用牛油依然做到外脆內軟的酥皮效果。純素牛角包配埋咖啡只要 HK$33，做早餐實在一流。The Cakery 有各式各樣的蛋糕餅乾甜品，我覺得彩虹生酮芝士蛋糕都幾吸引，下次再來買個食先。最近萬聖節有各種造型餅乾和眼球朱古力等等。新推出的純素甜撻仲做緊優惠，可以用 HK$230 購買四件 (原價每件HK$65)，正好一次過試晒四隻味喎。不同季節亦有期間限定飲品，最近係呢幾款梳打。其他飲品包括有機咖啡和茶，另外幾特別的有彩色 Superfood Latte，粉粉色影相幾靚架，全部都可以加錢轉植物奶(豆奶/杏仁奶/燕麥奶)。黑朱古力撻 HK$65 (V
The Cakery 是我很喜歡的一間蛋糕店，因為她們的甜點可以滿足任何飲食需要，唔理你係純素、無麩質以致生酮飲食，都可以食到又靚又好食的蛋糕甜品，配埋杯植物奶咖啡絕對係美好人生。
The Cakery 有幾間分店，以外帶蛋糕為主，如果想坐低慢慢食或者約朋友傾計，可以來到銅鑼灣利園二期的分店。
除了純素蛋糕甜點，仲有咖啡飲架。
純素牛角包 HK$20 / 純素朱古力牛角包 HK$22
嘩！香港終於有純素牛角包食，仲有原味和朱古力味可以揀，牛角包都幾大，無用牛油依然做到外脆內軟的酥皮效果。
純素牛角包配埋咖啡只要 HK$33，做早餐實在一流。
The Cakery 有各式各樣的蛋糕餅乾甜品，我覺得彩虹生酮芝士蛋糕都幾吸引，下次再來買個食先。最近萬聖節有各種造型餅乾和眼球朱古力等等。新推出的純素甜撻仲做緊優惠，可以用 HK$230 購買四件 (原價每件HK$65)，正好一次過試晒四隻味喎。
不同季節亦有期間限定飲品，最近係呢幾款梳打。
其他飲品包括有機咖啡和茶，另外幾特別的有彩色 Superfood Latte，粉粉色影相幾靚架，全部都可以加錢轉植物奶(豆奶/杏仁奶/燕麥奶)。
黑朱古力撻 HK$65 (VEGAN)
身為朱古力怪最期待絕對係這款黑朱古力撻，入口果然香濃又幼滑，撻皮亦是朱古力味，口感偏乾身似餅乾質感，沒加蛋奶吃起來也很香。撻面仲有金粉裝飾好鬼Fancy。
法式焦糖燉蛋甜撻 HK$65 (VEGAN)
純素焦糖燉蛋顏色看起來沒平時的鮮黃奪目，但味道一點也沒有輸。撻面依然有脆脆焦糖，切開的時候好有快感，原來用了有機蔗糖，並且即場用火槍燒溶。這款撻味道蠻甜，我諗因為有焦糖脆面的關係，入面餡料超幼滑又好食，係用不含乳製品的忌廉、杏仁奶和純素牛油製成，取代傳統食譜中的忌廉和雞蛋，味道和口感不減但相對比較健康。
百香果芒果慕斯撻 HK$65 (VEGAN)
這款睇樣我以為會幾酸，但食落都幾清新怡人，甜撻用左純素牛油、可可子油和乳化的百香果餡料炮製，頂層唧左好靚的新鮮芒果慕斯花和百香果蓉，賣相好像一朵小花又幾靚喎。
這天試了三款甜撻和純素牛角包，我覺得最驚喜係「法式焦糖燉蛋甜撻」，無諗過純素都可以做到咁既效果。幾款撻的撻皮都好香脆，沒有牛油依舊好吃。黑朱古力撻都好深得我心，中間個餡勁好食。牛角包可以買返屋企做早餐都唔錯，稍微用焗爐加熱少少更好吃。
The Cakery 真係一間世界大同的甜品店，任何飲食需要的人都可以享受到美味甜品，如果你不吃蛋奶又好掛住法式糕餅，記得快點去試試啦！
张贴
