影片
更多
2021-06-02
734 浏览
這間專門賣豬肉的餐廳，近排竟然推出綠色菜單，唔食真豬可以食素的新豬肉，想間中食得健康一點或者約素食朋友食餐好，都可以來試試啊！The Salted Pig 有好幾間分店，這天去荔枝角 D2 Place 二期食，因為唔太熟路的關係，兜左一陣先搵到個門口。餐廳裝修有少少工業風，環境似英式小酒館，係大人去的地方。行入去發現座位都幾多喎，坐得唔會好逼，傾偈大聲一點也不怕影響隔離檯。這邊座位後面以舊式衣車做主題，復古風又幾有味道。想影打卡相的話當然係坐靠窗的位置，日光從側面打進來，座位後面又有棵樹，隨手影已經好靚架啦。這間餐廳最大特色係選用每隻豬的最佳部位，並具確保用優質又新鮮食材製作，除了豬肉亦有其他菜式選擇如seabess，最近仲推出一系列仲新豬肉的素食，也有 Impossible Burger，真係估唔到唔食肉都有咁多野揀！超級開心又興奮！飲品都勁多選擇，我和朋友都揀左好耐！前面幾版都係酒精飲品，你看到餐牌上面的食物，都會覺得應該叫杯酒配下。當然都有 Mocktails 和果汁汽水之類啦。烤原個芝士椰菜花 HK$118一看到餐牌上有這個就即刻想食！我都曾經試過響屋企焗成個椰菜花，要焗到成個
這間專門賣豬肉的餐廳，近排竟然推出綠色菜單，唔食真豬可以食素的新豬肉，想間中食得健康一點或者約素食朋友食餐好，都可以來試試啊！
The Salted Pig 有好幾間分店，這天去荔枝角 D2 Place 二期食，因為唔太熟路的關係，兜左一陣先搵到個門口。
餐廳裝修有少少工業風，環境似英式小酒館，係大人去的地方。
行入去發現座位都幾多喎，坐得唔會好逼，傾偈大聲一點也不怕影響隔離檯。
這邊座位後面以舊式衣車做主題，復古風又幾有味道。
想影打卡相的話當然係坐靠窗的位置，日光從側面打進來，座位後面又有棵樹，隨手影已經好靚架啦。
這間餐廳最大特色係選用每隻豬的最佳部位，並具確保用優質又新鮮食材製作，除了豬肉亦有其他菜式選擇如seabess，最近仲推出一系列仲新豬肉的素食，也有 Impossible Burger，真係估唔到唔食肉都有咁多野揀！超級開心又興奮！
飲品都勁多選擇，我和朋友都揀左好耐！前面幾版都係酒精飲品，你看到餐牌上面的食物，都會覺得應該叫杯酒配下。當然都有 Mocktails 和果汁汽水之類啦。
烤原個芝士椰菜花 HK$118
一看到餐牌上有這個就即刻想食！我都曾經試過響屋企焗成個椰菜花，要焗到成個熟透又入味其實好有技巧，這裡就做得好好食！椰菜花輕輕一切就散開晒，入口吃到黑胡椒和香草的調味，最正當然係源源不絕的芝士醬，這個芝士醬吃起來一點都不會滯呢！
椰菜花焗到熟透，香香軟軟的好味道，平時唔敢食椰菜花的也會愛上。
墨西哥芝士新豬肉薄脆 HK$148 (Vegan)
紅紅綠綠的粟米片賣相好誘人，粟米片上面有牛油果醬、番茄莎莎、黑橄欖、新肉絲和純素車打芝士，吃起來完全唔似素食，我都無諗過新肉絲可以咁樣煮，個芝士醬味道同真既一樣呢！
這個要盡快吃，放大久的話粟米片變軟就不脆口了。
上菜速度都ok 快，唔需要等到頸都長。
慢煮脆皮豬腩、薯仔沙律、烤甘荀、香辣醋汁
吃肉的朋友揀了這個脆皮豬腩，大概是西式燒肉的感覺，外脆內軟香氣十足。我就對伴碟的蔬菜非常有興趣，尤其係那個烤甘荀必須一讚！我平常最增食甘荀，第一次覺得甘荀可以幾好食，確實係非常神奇。
Blueberry Mojito HK$78 / Blueberry Blast HK$62
飲品的部分剛好我們都選了藍莓相關的項目，我那杯是無酒精 Mocktail，主要因為見到有肉桂就好想飲，入面還有藍莓橙汁和薑汁汽水，飲的時候完全被味覺和嗅覺都被肉桂淹沒！又幾好飲喎！
Go Banana Sundae HK$88
甜品都係走澎湃路線，勁大杯雪糕新地，入面有成條香蕉好誇張，正好可以幫助消化。窩夫浸在雪糕中依然香脆，中間仲有朱古力粒咬下，雪糕都好好味，真係大人細路都會滿足的甜品之選。
宜家越來越多大型餐廳提供素食，真係估唔到肉食專門店都有咁多選擇，以後約唔係食素的朋友聚餐就更方便了！
张贴
