影片
更多
2021-11-02
493 浏览
荔枝角開左間素食台灣菜咁大件事無人講？兩年幾無踏足台灣，最掛住當然係地道台式料理，因為香港好少素食台灣菜呀！九月底先開業的蘭陽食堂，由台灣人母親和素食女兒開設，主打古早味滷肉飯和宜蘭家鄉西魯肉飯，另外仲有手工餃子、口水雞和蔥油餅等，我試左餐牌上大部分菜式，食物和飲品都好高水準，真係食得到台灣地道風味喎！蘭陽食堂位於荔枝角香工地庫，地點非常神秘，我搵到都覺得自己好叻！店鋪其實是一個廚房，目前專營外賣生意，建議你用 whatsapp (6467-9684) 或網上平台點餐 (https://ly.orderfood.hk/)，再去自取或者用 foodpanda 外送。食譜都是宜蘭媽媽由細吃到大，不過改良左做素食版，大部分都係純素，可以睇返餐牌上面的標示。飲品有咖啡有茶，最特別係香料奶茶。因為現場無堂食位置，所以都係用飯盒形式，白飯份量都幾多，仲有醃青瓜和蘿蔔配菜。宜蘭家鄉西魯肉飯 HK$48(單點) HK$69(套餐)我覺得兩個飯都好好食，但相比之下就比較鍾意這個宜蘭配魯肉飯。望落去都係一堆野咁樣，但食落會發現入面有煮到好腍的白菜、炸雞蛋、菇和蘿蔔絲等，個汁香甜又有層次，真係好下飯喲！！古
荔枝角開左間素食台灣菜咁大件事無人講？
兩年幾無踏足台灣，最掛住當然係地道台式料理，因為香港好少素食台灣菜呀！九月底先開業的蘭陽食堂，由台灣人母親和素食女兒開設，主打古早味滷肉飯和宜蘭家鄉西魯肉飯，另外仲有手工餃子、口水雞和蔥油餅等，我試左餐牌上大部分菜式，食物和飲品都好高水準，真係食得到台灣地道風味喎！
蘭陽食堂位於荔枝角香工地庫，地點非常神秘，我搵到都覺得自己好叻！
店鋪其實是一個廚房，目前專營外賣生意，建議你用 whatsapp (6467-9684) 或網上平台點餐 (https://ly.orderfood.hk/)，再去自取或者用 foodpanda 外送。
食譜都是宜蘭媽媽由細吃到大，不過改良左做素食版，大部分都係純素，可以睇返餐牌上面的標示。
飲品有咖啡有茶，最特別係香料奶茶。
因為現場無堂食位置，所以都係用飯盒形式，白飯份量都幾多，仲有醃青瓜和蘿蔔配菜。
宜蘭家鄉西魯肉飯 HK$48(單點) HK$69(套餐)
我覺得兩個飯都好好食，但相比之下就比較鍾意這個宜蘭配魯肉飯。望落去都係一堆野咁樣，但食落會發現入面有煮到好腍的白菜、炸雞蛋、菇和蘿蔔絲等，個汁香甜又有層次，真係好下飯喲！！
古早味滷肉飯 HK$48(單點) HK$69(套餐)
滷肉飯都係要台灣人煮先有台灣味，滷汁好充足可以撈飯，五香粉味略重和帶點甜，入面除了新豬肉亦有菇粒多重口感。這個可以揀配滷蛋或滷豆腐，舊豆腐滷得好入味幾有驚喜喎！
秘製麻辣醬口水雞 HK$38
這個麻辣醬亦係台灣媽媽秘製，我唔算食得非常辣都覺得可以接受之水平，加上底下有青瓜絲可以清涼一下味蕾。
香煎蔥油餅配海苔肉鬆美乃滋 HK$28
蔥油餅建議盡快食左鮮，新鮮時比較酥脆，不過凍左少少依然好味，中間夾個海苔肉鬆美乃滋好惹味，整個食緊小朋友零食的感覺。
香脆手作韭菜餃/冬粉梅菜餃 配自家製甜辣醬 HK$32
便當餐有手作餃子拌麵，如果唔想食麵亦可以揀這個炸餃子版本。手工餃子形狀可愛，餡料亦非常飽滿，韭菜或是梅菜味都夠突出，揀味道可以視乎你鍾意食邊個菜。
冷泡黃金蕎麥茶 HK$22
清香帶麥味的一個茶飲，一邊食滷肉飯一邊喝會帶出點甜味。樽上面寫住可重覆沖泡2-3次，所以我加左水再擺入雪櫃沖多枝晏少少再飲。
自家製瑪莎拉香料奶茶 HK$28
香港都比較少飲到用豆奶做的香料奶茶，這個喝起來夠晒印度風情，甜度唔高口感亦順滑，值得一試。
如果你在荔枝角區居住或工作，又好似我一樣勁掛住台灣，咁就一定要試下啦！
张贴
