影片
更多
2021-11-16
616 浏览
相比起傳統日式壽司手卷，我更喜歡吃新派創意飯卷，尤其吃素之人又唔食魚生喎，餡料上面要有創意才好味道！今日來到灣仔這間韓式創意飯卷 Mr. Maki，餐牌上面有好幾款無肉壽司卷，配搭都幾新奇有趣，套餐仲有番薯條食，整個非常 Fusion 喎！MR. MAKI 在灣仔的小巷弄裡，這附近都蠻多小店，韓式飯卷夠創意有特色。小店以外賣為主，堂食的話都有八個座位。面壁座位都算好坐，環境都乾淨既。招牌卷物造型都好吸睛好誘人，當中有三款係無肉之選，不過有芝士有沙律醬就好難純素啦。散叫都有其他素食選擇，價錢唔貴都幾實惠丫。套餐飲品除了汽水之外，還有幾款日式罐裝梳打可以揀。佛系轟炸 HK$39 + C 套餐 HK$20飯卷中間有牛油果、青瓜和芝士一堆菜咁，最神奇係外面有炸過，咬落去非常脆口，但中間又有白飯咬口和青瓜爽脆，整個非常過癮。因為我覺得沙律醬已經幾夠味，所以都無加芥末醬油，想吃更豐富味道的話可以自由添加。番薯條其貌不揚，咬落去又真係有番薯甜味幾驚喜，日式沙律都幾正路，以一個60蚊有找的快餐來說，整體讓人非常滿意。個壽司都捲得幾靚，手工唔錯架。如果在灣仔區想找平靚正的快餐素食，這家香口韓式飯卷幫到手
相比起傳統日式壽司手卷，我更喜歡吃新派創意飯卷，尤其吃素之人又唔食魚生喎，餡料上面要有創意才好味道！今日來到灣仔這間韓式創意飯卷 Mr. Maki，餐牌上面有好幾款無肉壽司卷，配搭都幾新奇有趣，套餐仲有番薯條食，整個非常 Fusion 喎！
MR. MAKI 在灣仔的小巷弄裡，這附近都蠻多小店，韓式飯卷夠創意有特色。
小店以外賣為主，堂食的話都有八個座位。
面壁座位都算好坐，環境都乾淨既。
招牌卷物造型都好吸睛好誘人，當中有三款係無肉之選，不過有芝士有沙律醬就好難純素啦。
散叫都有其他素食選擇，價錢唔貴都幾實惠丫。
套餐飲品除了汽水之外，還有幾款日式罐裝梳打可以揀。
佛系轟炸 HK$39 + C 套餐 HK$20
飯卷中間有牛油果、青瓜和芝士一堆菜咁，最神奇係外面有炸過，咬落去非常脆口，但中間又有白飯咬口和青瓜爽脆，整個非常過癮。因為我覺得沙律醬已經幾夠味，所以都無加芥末醬油，想吃更豐富味道的話可以自由添加。番薯條其貌不揚，咬落去又真係有番薯甜味幾驚喜，日式沙律都幾正路，以一個60蚊有找的快餐來說，整體讓人非常滿意。
個壽司都捲得幾靚，手工唔錯架。
如果在灣仔區想找平靚正的快餐素食，這家香口韓式飯卷幫到手！
张贴
