影片
更多
2020-10-09
4918 浏览
聞名以久的麗姐廚房，一直都沒甚麼機會上去試，昨天早上在銅鑼灣飲完咖啡，想不到吃甚麼就忽然醒起可以行過去試下。一上到去見到勁！多！人！午餐時間簡直坐無虛設，排隊取餐排了好一陣子，還差點找不到位坐，有沒有這麼誇張？食完行返去灣仔地鐵站先發現原來勁近，一出站行兩分鐘就到，交通非常方便！餐廳在某商廈的二樓，樓下沒有明顯大招牌，找的時候看地址比較容易搵到。大堂等升降機上去要排隊，行樓梯比較快啊。樓梯一出就見到啦，進去發現餐廳比我想像中大間。但係！成間都係人！坐到密密麻麻滿晒座！我諗真係好受附近長期素食者歡迎，上班族應該也會很喜歡這裡的價格，方便快捷健康美味兼備，真係一個好去處。餐廳沒有人帶位，自己搵位坐，有空位可以隨意搭檯。進門可以先去櫃檯點餐付款，每天有六款素食小菜，可以自己揀三款，均一價 HK$50/位，附白飯和例湯。白飯和湯不夠吃可以添，另外也有水飲。點餐其實用號碼就OK，拿著小單去排隊，左右人龍排堂食，右邊人龍排外賣。廚房好幾個人在工作，手腳都算快，不過條人龍真係幾長所以都要等少少。 HK$50我見姨姨裝小菜都幾闊綽，唔會淨係夾兩條菜咁，所以係一定食得飽！我覺得餐牌上面六款小菜都幾吸引架
聞名以久的麗姐廚房，一直都沒甚麼機會上去試，昨天早上在銅鑼灣飲完咖啡，想不到吃甚麼就忽然醒起可以行過去試下。一上到去見到勁！多！人！午餐時間簡直坐無虛設，排隊取餐排了好一陣子，還差點找不到位坐，有沒有這麼誇張？
食完行返去灣仔地鐵站先發現原來勁近，一出站行兩分鐘就到，交通非常方便！餐廳在某商廈的二樓，樓下沒有明顯大招牌，找的時候看地址比較容易搵到。大堂等升降機上去要排隊，行樓梯比較快啊。
樓梯一出就見到啦，進去發現餐廳比我想像中大間。
但係！成間都係人！坐到密密麻麻滿晒座！我諗真係好受附近長期素食者歡迎，上班族應該也會很喜歡這裡的價格，方便快捷健康美味兼備，真係一個好去處。
餐廳沒有人帶位，自己搵位坐，有空位可以隨意搭檯。
進門可以先去櫃檯點餐付款，每天有六款素食小菜，可以自己揀三款，均一價 HK$50/位，附白飯和例湯。白飯和湯不夠吃可以添，另外也有水飲。
點餐其實用號碼就OK，拿著小單去排隊，左右人龍排堂食，右邊人龍排外賣。廚房好幾個人在工作，手腳都算快，不過條人龍真係幾長所以都要等少少。
HK$50
我見姨姨裝小菜都幾闊綽，唔會淨係夾兩條菜咁，所以係一定食得飽！我覺得餐牌上面六款小菜都幾吸引架，如果可以揀多幾款就好 XD。食物味道清淡少油，我諗都要遷就返主要客戶群，所以食完都覺得自己幾健康。
如果你在灣仔區工作，這個平價健康素食快餐的確幫到手！驚堂食搵唔到位就買外賣啦，都好方便架。
张贴
