影片
更多
2021-06-26
47 浏览
不能搭飛機的日子，去好遠的地方食個飯已經覺得自己去緊旅行。今次我就揀左好多打卡位的 Cabana Breeze HK，食飯影相就玩左半日，非常悠閒又放鬆。Cabana Breeze 位於東涌喜來登酒店後面，由東涌站行過去15分鐘左右，行完天橋行公園，一路上都幾舒服，當散步幫助消化都唔錯。餐廳外面目前圍上圍板，雖然看不到海景，但環境都算唔錯，個佈景板亦唔影響打卡相的背景，可以接受。餐廳面積都幾大，有室內也有戶外座位，出面仲有非常打卡-able的籐波波，我見唔少著好靚的女士三十幾度都堅持坐出面食，就係為左個打卡位。餐廳入面好靚好有氣勢！一入門口已經被吸引，基本上坐任何位置都影到靚相，唔太需要擔心。如果想影空景或者盡情影唔同靚位，可以揀平日兩點後過來吃飯，餐廳真係即刻空晒，剩返幾檯專門影相的人。酒吧絕對係打卡必影的位置，天花一系列蒸籠佈置，影出來好有氣氛。用手機人像模式影已經好有feel 啦！另外一邊孔雀石綠沙發位，配埋熱帶風情牆紙/椅套還有霓虹光管，提供另一種style 的打卡靚位。平日午市套餐價錢一點都不貴，吃這個環境簡直超值！套餐除了主菜還附湯/沙律、甜品和飲品，夠晒豐富飽肚。散叫的話
不能搭飛機的日子，去好遠的地方食個飯已經覺得自己去緊旅行。今次我就揀左好多打卡位的 Cabana Breeze HK，食飯影相就玩左半日，非常悠閒又放鬆。
Cabana Breeze 位於東涌喜來登酒店後面，由東涌站行過去15分鐘左右，行完天橋行公園，一路上都幾舒服，當散步幫助消化都唔錯。
餐廳外面目前圍上圍板，雖然看不到海景，但環境都算唔錯，個佈景板亦唔影響打卡相的背景，可以接受。
餐廳面積都幾大，有室內也有戶外座位，出面仲有非常打卡-able的籐波波，我見唔少著好靚的女士三十幾度都堅持坐出面食，就係為左個打卡位。
餐廳入面好靚好有氣勢！一入門口已經被吸引，基本上坐任何位置都影到靚相，唔太需要擔心。如果想影空景或者盡情影唔同靚位，可以揀平日兩點後過來吃飯，餐廳真係即刻空晒，剩返幾檯專門影相的人。
酒吧絕對係打卡必影的位置，天花一系列蒸籠佈置，影出來好有氣氛。
用手機人像模式影已經好有feel 啦！
另外一邊孔雀石綠沙發位，配埋熱帶風情牆紙/椅套還有霓虹光管，提供另一種style 的打卡靚位。
平日午市套餐價錢一點都不貴，吃這個環境簡直超值！套餐除了主菜還附湯/沙律、甜品和飲品，夠晒豐富飽肚。
散叫的話價錢都唔貴，百零蚊個意粉或者pizza，出面求其一間文青cafe都收緊咁上下價錢啦！意粉和pizza都有素食選擇，我今日就揀食意粉，黑松露寬條麵、番醬通粉和蒜油意粉都好吸引，我都揀左一陣先決定到。
朋友食 Lunch Set，餐湯係番茄湯，一上桌勁香芝士味非常吸引！跟湯食多士都烤得好靚好香口呢。
Lunch set 的意粉和魚每日都唔同，店員會同你講返，條魚份量都唔細架。
大蒜和油意粉 HK$128 / 牛油炒雜菌 HK$48 / 蒜香西蘭花 HK$48
諗左一輪最後揀好耐無食的大蒜意粉，蒜香十足仲好夠油，吃著吃著又有芝士香，整個讓人非常滿足！完全是我喜歡的味道，兩個配菜都好有水準，同樣夠晒油又夠晒惹味，尤其個雜菌一入口香氣十足，食到停唔到口呢。
意粉唔會煮得太軟或太硬，入口有嚼勁，雖然油很多但依然感覺清爽。
這日 Lunch Set 的甜品是蘋果批配雪糕，賣相都幾骨子，蘋果批細細件味道中規中距，配雪糕食感覺都唔錯。
Cabana Tiramisu HK$88
店員推介這個 Tiramisu，賣相都幾有特色，唔太估到咩葫蘆賣咩藥。
挖開發現成碟都以忌廉為主，中間收埋幾塊浸滿咖啡的手指餅，忌廉入口軟滑亦富香氣，吃起來是 Tiramisu 的味道，但口感又跟平常有點不同，適合鍾意吃 cream 的朋友。
這間餐廳打卡位非常多，一場來到東涌這麼遙遠，當然要影個夠本，儲埋d相可以慢慢post。
餐廳裡裡外外都可以影，必影位置除了多面的度假藤椅之外，仲有中間圓桌加埋後面酒吧的無敵靚位。
张贴
