影片
更多
2021-10-08
809 浏览
好耐無去打邊爐，今年秋冬終於可以再去食，第一站先試試這間來自新加坡的粉紅色打卡系火鍋店 美滋鍋，佢地有一個「長生松茸野菌鍋」素食湯底，火鍋料除了一般蔬菜和豆腐之外，仲有貴價野生菇菌，雖然無素丸素餃之類的素料，但食蔬菜都幾夠飽架！火鍋店位於旺角家樂坊樓上，約朋友勁方便！一入門口就見到粉紅玫璃大 Bear Bear，唔少女仔都特登來影相打卡架。旁邊有一個兒童遊戲區，方便媽媽們放低小朋友玩，自己開心打邊爐。入面貫徹始終粉紅色，由座椅、牆身到天花的裝飾，大概係香港最少女心的打邊爐餐廳。出面有個自助醬料區，亦有涼拌和生果可以任食，我埋單先發現醬料區每位HK$20。要留意返並非全部醬料都係素食，豉油麻油辣油麻醬最安全，當中有個菇醬唔係素食啊！涼拌有青瓜、黑木耳和菇片都係素食可用。唔知點樣溝個醬好？牆上面在成十個食譜俾你參考，跟住溝就無走雞。這個任飲汽水吧好似係HK$28一位，點餐的時候揀任飲就全部都可以隨意添。點餐用平板電腦，唔難用既都幾好玩。湯底有6款可以揀，我問左店員「長生松茸野菌鍋」湯底肯定係素食，另外有個維他命C蕃茄玉米鍋亦都無豬骨湯底，但來貨的茄膏就唔肯定係咪素食，可以自行決定揀唔揀。素
好耐無去打邊爐，今年秋冬終於可以再去食，第一站先試試這間來自新加坡的粉紅色打卡系火鍋店 美滋鍋，佢地有一個「長生松茸野菌鍋」素食湯底，火鍋料除了一般蔬菜和豆腐之外，仲有貴價野生菇菌，雖然無素丸素餃之類的素料，但食蔬菜都幾夠飽架！
火鍋店位於旺角家樂坊樓上，約朋友勁方便！
一入門口就見到粉紅玫璃大 Bear Bear，唔少女仔都特登來影相打卡架。旁邊有一個兒童遊戲區，方便媽媽們放低小朋友玩，自己開心打邊爐。
入面貫徹始終粉紅色，由座椅、牆身到天花的裝飾，大概係香港最少女心的打邊爐餐廳。
出面有個自助醬料區，亦有涼拌和生果可以任食，我埋單先發現醬料區每位HK$20。
要留意返並非全部醬料都係素食，豉油麻油辣油麻醬最安全，當中有個菇醬唔係素食啊！涼拌有青瓜、黑木耳和菇片都係素食可用。
唔知點樣溝個醬好？牆上面在成十個食譜俾你參考，跟住溝就無走雞。
這個任飲汽水吧好似係HK$28一位，點餐的時候揀任飲就全部都可以隨意添。
點餐用平板電腦，唔難用既都幾好玩。
湯底有6款可以揀，我問左店員「長生松茸野菌鍋」湯底肯定係素食，另外有個維他命C蕃茄玉米鍋亦都無豬骨湯底，但來貨的茄膏就唔肯定係咪素食，可以自行決定揀唔揀。
素食火鍋料都係蔬菜、豆類和菇菌類為主，當中比較特別的應該係羊肚耳和牛肝菌。
每個項目仲有建議刷湯時間，雖然煮菜都無咩所謂既。
最搞鬼係檯面仲有沙漏俾你計時，又幾好玩喎。
每一檯都有附一架車仔，上面仲方左可以自己加的湯，火鍋料亦唔驚唔夠位擺。
我和朋友都吃素，可以盡情叫蔬菜，食得非常爽！順帶一提，有椰青飲都幾開心。
打完邊爐原來有甜品送喎，仲係非常打卡-able的彩虹蛋糕，果然係主打女性市場的火鍋店。
张贴
