影片
更多
2020-11-12
3561 浏览
想食燒烤又懶得自己動手轉？一定要來試試旺角這間串Grill 自助燒烤專門店，除了有自動旋轉的燒烤裝置，最正係兩小時任點任食，適合大胃王去盡情勁食！小店位於旺角廣華街，那一帶也有很多食肆，相信唔難搵到。店鋪呈窄長形，座位唔算好多，外面這一排有四張四人檯、一張二人檯。每張檯都設置機械燒烤裝置，另外有個層架用來放食物。最盡頭處有兩張四人檯。這間是任點任食自助燒烤，平日只做晚市，七點半前離坐價錢最抵，早食飯的朋友記得唔好錯過。大人與小童收費不同，精選澳洲和牛、紐西蘭牛和黑毛豬等高價肉類，當然都有好多菇菇菜菜食。價錢包埋飲品，有各種枝裝茶、豆漿、汽水和烏龍茶等，如果想飲啤酒可以另外加購。落單有張紙可以寫，根據食材分類，牛、豬、羊、雞、海鮮、丸、腸等等應有盡有，仲有甜品添！我當然係主攻菜菜類，120分鐘之內可以任飲任食，在圈圈內填所需串燒數量落單即可。串燒用這種木盤整齊送上，已經幫你插好在鐵枝上，放在燒烤爐的齒輪上，它們就會自動旋轉，完全唔需要自己郁手，超級方便。餐廳亦很貼心地預備了一張燒烤時間建議，上面有寫清楚每種串燒應該燒幾耐，唔洗驚燒唔熟。靠牆這邊可以找到調味架，不鏽鋼那兩樽分別是泰式魚露和
想食燒烤又懶得自己動手轉？一定要來試試旺角這間串Grill 自助燒烤專門店，除了有自動旋轉的燒烤裝置，最正係兩小時任點任食，適合大胃王去盡情勁食！
小店位於旺角廣華街，那一帶也有很多食肆，相信唔難搵到。
店鋪呈窄長形，座位唔算好多，外面這一排有四張四人檯、一張二人檯。
每張檯都設置機械燒烤裝置，另外有個層架用來放食物。
最盡頭處有兩張四人檯。
這間是任點任食自助燒烤，平日只做晚市，七點半前離坐價錢最抵，早食飯的朋友記得唔好錯過。大人與小童收費不同，精選澳洲和牛、紐西蘭牛和黑毛豬等高價肉類，當然都有好多菇菇菜菜食。
價錢包埋飲品，有各種枝裝茶、豆漿、汽水和烏龍茶等，如果想飲啤酒可以另外加購。
落單有張紙可以寫，根據食材分類，牛、豬、羊、雞、海鮮、丸、腸等等應有盡有，仲有甜品添！我當然係主攻菜菜類，120分鐘之內可以任飲任食，在圈圈內填所需串燒數量落單即可。
串燒用這種木盤整齊送上，已經幫你插好在鐵枝上，放在燒烤爐的齒輪上，它們就會自動旋轉，完全唔需要自己郁手，超級方便。
餐廳亦很貼心地預備了一張燒烤時間建議，上面有寫清楚每種串燒應該燒幾耐，唔洗驚燒唔熟。
靠牆這邊可以找到調味架，不鏽鋼那兩樽分別是泰式魚露和韓式梨汁燒烤醬，另外也有孜然粉、辣粉和鹽之類。
仲有白色這枝是燒烤醬，代替BBQ常用的蜜糖，大概六七成熟的時候塗在食物上即可，味道會更香。
蔬菜串燒種類都唔少，有豆卜、秋葵、菠蘿、日本甜薯、雞脾菇、翠玉瓜、車厘茄和冬菇，我全部都有點來燒。因為平時就好鍾意食翠玉瓜的關係，最推薦就是它，燒好之後好多汁又有瓜香，食得太多肉清腸胃都好架。雞脾菇和冬菇兩種菇類都很耐燒，燒完又很juicy，塗左燒烤汁會更好食。
燒到爆開的車厘茄都好正架，滿滿茄紅素。
食完串燒原來仲有甜品食，仲係哈根大師細杯裝雪糕添！有幾種口味可以揀。
任點任食呢家野，真係好適合新陳代謝率高又胃口好的年輕朋友，食足120分鐘有飲有肉有菜有雪糕，真係幾正架！
张贴
