一日三餐 (已結業)

有次去旺角Aeon買菜，買完經過女人街見到這間小店，望下個餐牌原來都算素食友善，超碼早午晚餐都有得揀，午晚市套餐仲會個個禮拜轉添。在旺角家樂坊/廣華醫院對面，女人街的街頭好容易找到。入面裝修簡簡單單，似係坐得比較舒服的新潮茶餐廳。堂食座位唔算好多，繁忙時間可能要等位。早餐有一款素食選擇，黑松露炒蛋菠蘿包看起來都可以吃。飯餐都有四款素食，另外有每個禮拜換的午市/晚市精選，各有一款係素食。清新素食全餐 HK$42第一次食先試試個清新早晨全餐，我上次經過睇個餐牌明明有牛油果，原來宜家已經轉左，只有沙律菜和胡麻豆腐感覺略單調，食完唔太夠飽。倒是塊丹麥多士幾好食有驚喜。下次有機會再試下素食飯類先。