影片
更多
2020-11-03
77 浏览
已經唔記得我係第幾次去齋啡食了，不過之前一直無食過比高包，今次試下爆晒餡的期間限定Beyond雞肉包，走之前當然都要食埋件純素蛋糕啦。這天來到的時間大概是十二時許，店內只有一位客人，可以任揀坐邊個位。換左新手機終於有Wide鏡，可以影返張店內環境相。來這邊可以吃比高包/墨西哥卷餅套餐，餡料有用Impossible、Beyond 或 Omnipork 等新式素肉，亦有用蔬菜牛油果大啡菇之類。因為看到有期間限定，我又好似未食過 Beyond Chicken 所以試下。套餐有包飲品一杯，仲可以加HK$45換純素蛋糕。薑黃植物雞肉及蘋果配比高包 / 熱Latte HK$98我無諗過果包會咁大個，完全唔知點咬，哈哈哈哈。入面有生菜、番茄、生洋蔥圈、蘋果和薑黃沙律醬Beyond雞，味道好夾好好食喎！順帶一提，杯咖啡飲到底有少少可可味，仲以為自己叫左Mocha。純素蛋糕有三款口味揀，我覺得 Cake Stand 上面果個最吸引所以揀左。 純素栗子蛋糕 HK$45 (套餐加購)栗子蛋糕吃起來口感沒想像中鬆軟，純素忌廉不會太甜膩，同時亦好似唔太夠栗子味。不過賣相係一流，同埋無動物受到傷害。我都真係幾鍾意
已經唔記得我係第幾次去齋啡食了，不過之前一直無食過比高包，今次試下爆晒餡的期間限定Beyond雞肉包，走之前當然都要食埋件純素蛋糕啦。
這天來到的時間大概是十二時許，店內只有一位客人，可以任揀坐邊個位。
換左新手機終於有Wide鏡，可以影返張店內環境相。
來這邊可以吃比高包/墨西哥卷餅套餐，餡料有用Impossible、Beyond 或 Omnipork 等新式素肉，亦有用蔬菜牛油果大啡菇之類。因為看到有期間限定，我又好似未食過 Beyond Chicken 所以試下。套餐有包飲品一杯，仲可以加HK$45換純素蛋糕。
薑黃植物雞肉及蘋果配比高包 / 熱Latte HK$98
我無諗過果包會咁大個，完全唔知點咬，哈哈哈哈。入面有生菜、番茄、生洋蔥圈、蘋果和薑黃沙律醬Beyond雞，味道好夾好好食喎！順帶一提，杯咖啡飲到底有少少可可味，仲以為自己叫左Mocha。
純素蛋糕有三款口味揀，我覺得 Cake Stand 上面果個最吸引所以揀左。
純素栗子蛋糕 HK$45 (套餐加購)
栗子蛋糕吃起來口感沒想像中鬆軟，純素忌廉不會太甜膩，同時亦好似唔太夠栗子味。不過賣相係一流，同埋無動物受到傷害。
我都真係幾鍾意坐響窗邊飲咖啡食野，平日過來 Chill 下都幾正架。
张贴
