影片
更多
2021-03-30
147 浏览
印度菜你可能有食過，但同一間餐廳有齊印度和地中海菜就比較少見，尖沙咀新開的高級餐廳 Carat 就將濃味香料風味與天然清新共處一室，無論你想食手工芝士印度咖喱，或者地中海香草鷹咀豆醬，都可以一次過滿足。特別推介仲有靚仔調酒師，利用各種香料調製飲品有夠特別，調酒表演仲好好睇添。尖沙咀寶勒巷這一帶都蠻多印度餐廳，但這間有埋地中海菜食，空間大裝修靚仲有半戶外座位，happy hour 坐出面非常chill。餐廳入面座位非常多，而且每個角落都有唔同風格，幾多個人來都坐得舒服。另外有間房仔適合多人聚會。靠窗的紅色沙發亮眼舒服。天氣還未十分之熱，坐外面也不錯，比較矮的沙發座位適合 Happy Hour 傾偈，正常檯就方便吃東西。另外有草有古怪藤椅這邊就適合影打卡相。除了外面的草牆，我覺得酒吧這個位也很適合影打卡相，影晒上面的玻璃裝置非常有氣勢。非常有趣的酒吧，平常調酒很少用到這些香料和花材吧。調酒師 Daniel 喜歡自家製作各種香料 infused 的酒，這幾枝加了肉桂、小茴香和丁香之類，非常特別。除了香料酒之外，Daniel 也會自己製作調酒糖漿，很用心呢。不知道要喝甚麼，直接叫 Daniel
印度菜你可能有食過，但同一間餐廳有齊印度和地中海菜就比較少見，尖沙咀新開的高級餐廳 Carat 就將濃味香料風味與天然清新共處一室，無論你想食手工芝士印度咖喱，或者地中海香草鷹咀豆醬，都可以一次過滿足。特別推介仲有靚仔調酒師，利用各種香料調製飲品有夠特別，調酒表演仲好好睇添。
尖沙咀寶勒巷這一帶都蠻多印度餐廳，但這間有埋地中海菜食，空間大裝修靚仲有半戶外座位，happy hour 坐出面非常chill。
餐廳入面座位非常多，而且每個角落都有唔同風格，幾多個人來都坐得舒服。
另外有間房仔適合多人聚會。
靠窗的紅色沙發亮眼舒服。
天氣還未十分之熱，坐外面也不錯，比較矮的沙發座位適合 Happy Hour 傾偈，正常檯就方便吃東西。
另外有草有古怪藤椅這邊就適合影打卡相。
除了外面的草牆，我覺得酒吧這個位也很適合影打卡相，影晒上面的玻璃裝置非常有氣勢。
非常有趣的酒吧，平常調酒很少用到這些香料和花材吧。
調酒師 Daniel 喜歡自家製作各種香料 infused 的酒，這幾枝加了肉桂、小茴香和丁香之類，非常特別。除了香料酒之外，Daniel 也會自己製作調酒糖漿，很用心呢。
不知道要喝甚麼，直接叫 Daniel 推介就對了，調酒表演也很好看呢。
Bollywood After Party
這杯加了 Cinnamon infused gin 和 Cinnamon whisky，飲起來真係好香肉桂味，喜歡肉桂的朋友一定要試。入面還加鷹咀豆水(Aquafaba)，一般在純素料理用來代替雞蛋，我沒想過可以調酒，加了可以增加飲品的豐盈感。
這天太陽不太猛，氣溫也沒很高，坐外面最Chill最寫意，跟朋友一邊吃東西一邊聊天最開心。
Stuffed Rice in Grape Leaves 葡萄葉飯卷
這個並不是港式珍珠雞，而是地中海、中東一帶很流行的料理，用葡萄葉包著飯成隻煮，吃的時候連葉一齊食，點乳酪醬、香料辣醬甚麼都可以。葡萄葉卷的味道帶酸，我覺得夠開胃也有層次，食飯也唔會太飽。
Veg Awadhi Rolls 雜菜果仁芝士餅卷 HK$98
這個炸炸的香口印度小食，入面包了雜菜粒、芝士和果仁，脆皮唔會太厚，味道中小辣，炸得夠脆而餡料入口即溶，吃得滿足。
Paneer ke Sholay 天多里烤自家製茅屋芝士球 HK$138
我最鍾意食印度茅屋芝士 paneer 了，所以指定要吃這個，因為這間餐廳採用自家製 paneer，每日新鮮製作，口感跟外面吃到的完全不同！大廚說製作 Paneer 需要五小時以上，要煮牛奶、等芝士凝固再定型成塊狀，整個過程需要特定技巧，一般餐廳很少花時間心機製作。
Mediterranean Dips Platter 地中海四式醬拼盤 HK$118
地中海菜必定要吃的就是這些醬，這裡有中東茄子醬、鷹嘴豆醬、紅椒合桃醬、中東芝麻醬和 Tabbouleh 沙律，醬料配自家製地中海包食。雖然都係一堆醬，但每一款味道各有特色，滿足食慾之餘又唔會有負擔，想吃得健康地中海菜絕對係不二之選。
Paneer Lababdar 洋蔥蕃茄腰果蓉奶油Paneer咖喱 HK$118 /
Paneer Makhani 濃香蕃茄奶油 Paneer 咖喱 HK$118 / Garlic Naan HK$38
食完清新口味地中海菜，再吃我鍾意的濃味印度咖喱，這兩款都係 paneer 咖喱，因為芝士係自家製的關係，咬落去係特別有質感，有少少似硬豆腐果種感覺，配咖喱係一流。這兩個咖喱都係奶油底，所以唔會好辣，橙色那個微微辣一點，並且帶蕃茄香。我個人係有芝士有咖喱就開心滿足，配埋新鮮自製的 naan 餅夠完美。
這間印度+地中海菜餐廳，餐牌有一半以上都係素食，約唔同朋友來都實有野食，而且可以食幾轉先試得晒。如果你也喜歡異國風味，約朋友 fine-dinning 來這邊一定拎滿分，天氣好記得坐出面啊。
张贴
