影片
更多
2020-06-22
3086 浏览
一向很受歡迎的手工素食專門店，剛結束灣仔店不久，就搬到尖沙咀來開新店，粉絲們不用受相思之苦。換上新名字「齋啡VegoCoffee」，也換成日系設計風格，環境超級舒服，對住綠油油的公園景超悠閒。新店剛於星期日(21/6)開始試業，目前有早午餐、意粉、薄餅、窩夫和純素蛋糕可以食，賣相都幾靚，可以嘆無牛奶的齋啡又可以影打卡相，快點約朋友去試啦！試業第二天過來嚐鮮(因為我星期日唔鍾意出街XD)，由彌敦道沿著柯士甸道一直行一直行，記得唔好轉入分叉柯士甸路，經過精品酒店「Page」再行1分鐘就會見到。夏天猛太陽沿路都幾曬既，有需要記得擔遮。圖為試業餐單，不同類型的食品都有，想食大份早午餐、意粉、薄餅或者窩夫都可以，亦有炸物脆脆小食可以叫。純素咖啡都用燕麥奶沖調，也有抹茶、番薯、朱古力和一堆凍飲可以揀。惠顧主食均配花茶或冷泡茶，如果轉其他飲品有半價。小店大概可以坐十數個人，只有一張可以圍著坐的檯，其他都係單邊位。我鍾意向街的座位，出面風景幾悠閒。向街這面窗有時候會打開，張檯可以伸出去(神奇的設計)，天氣涼一點會幾好feel。不過都要注意張檯會郁，唔好用來借力。蛋糕櫃有三款純素蛋糕，白色最靚果款竟然係
一向很受歡迎的手工素食專門店，剛結束灣仔店不久，就搬到尖沙咀來開新店，粉絲們不用受相思之苦。換上新名字「齋啡VegoCoffee」，也換成日系設計風格，環境超級舒服，對住綠油油的公園景超悠閒。新店剛於星期日(21/6)開始試業，目前有早午餐、意粉、薄餅、窩夫和純素蛋糕可以食，賣相都幾靚，可以嘆無牛奶的齋啡又可以影打卡相，快點約朋友去試啦！
試業第二天過來嚐鮮(因為我星期日唔鍾意出街XD)，由彌敦道沿著柯士甸道一直行一直行，記得唔好轉入分叉柯士甸路，經過精品酒店「Page」再行1分鐘就會見到。
夏天猛太陽沿路都幾曬既，有需要記得擔遮。
圖為試業餐單，不同類型的食品都有，想食大份早午餐、意粉、薄餅或者窩夫都可以，亦有炸物脆脆小食可以叫。
純素咖啡都用燕麥奶沖調，也有抹茶、番薯、朱古力和一堆凍飲可以揀。惠顧主食均配花茶或冷泡茶，如果轉其他飲品有半價。
小店大概可以坐十數個人，只有一張可以圍著坐的檯，其他都係單邊位。
我鍾意向街的座位，出面風景幾悠閒。向街這面窗有時候會打開，張檯可以伸出去(神奇的設計)，天氣涼一點會幾好feel。不過都要注意張檯會郁，唔好用來借力。
蛋糕櫃有三款純素蛋糕，白色最靚果款竟然係榴槤，估佢唔到。
Latte HK$40
咖啡應該係中深焙，配燕麥奶都唔錯。
抹茶窩夫配雜果、糖漿及忌廉 HK$88
好久沒吃過窩夫，而且還是無雞蛋牛奶的純素版，頓時覺得非常吸引。綠綠的抹茶窩夫配彩色水果，賣相靚之餘仲好脆口，唔會因為係純素就降左grade。雜果除了草莓和藍莓，竟然有荔枝都幾驚喜。
入面都幾靚既。
這家環境和食物質素都幾好，影相靚仲可以捉緊一班年青人，吃純素的朋友們又多一間新咖啡店可以去聚頭啦！
张贴
