影片
更多
2023-06-06
149 浏览
想吸引更多人吃素，好味又邪惡的快餐漢堡是個好開始，香港最近終於有素食漢堡專門店啦！素牛肉和素雞扒都好出色，仲有各種讓你滿足慾望的炸物，飲埋杯純素奶昔真係太幸福！想放肆一餐快啲去中環試下啦～。蛋奶素。有五辛中環地鐵站A出口行天橋就去到怡和大廈，即係圓形窗那棟大樓，入去搭扶手電梯落兩層。首先會去到Basehall 02，穿過一條走廊行去Basehall 01，素食漢堡包在角落的位置。這邊是Foodcourt形式運作，落單後會得到電子牌一個，準備好會通知你取餐。餐牌上全部屬素食，漢堡有用真芝士，麵包亦有蛋奶成分，屬蛋奶素食。純素選擇目前只有Milkshake，有問過餐廳方面，純素選項目前還在研發階段，之後會慢慢推出。WOW Truffle HK$78餐廳自設廠房製作素扒和素雞，素扒偏薄身，外層煎得略脆中間有點咬口，我覺得「牛」味唔算太重，配搭松靈醬、芝士和火箭菜很適合，滿足口慾之餘也不至於太飽滯。WOW Buffalo HK$78素雞扒堡同樣有幾款口味，這個水牛城雞翼醬很外國Style，味道酸酸辣辣，越食越惹味。入面滿滿生菜絲多一重口感，喜歡吃濃味的朋友可以試這款。Tater Tots HK
想吸引更多人吃素，好味又邪惡的快餐漢堡是個好開始，香港最近終於有素食漢堡專門店啦！素牛肉和素雞扒都好出色，仲有各種讓你滿足慾望的炸物，飲埋杯純素奶昔真係太幸福！想放肆一餐快啲去中環試下啦～。蛋奶素
。有五辛
中環地鐵站A出口行天橋就去到怡和大廈，即係圓形窗那棟大樓，入去搭扶手電梯落兩層。首先會去到Basehall 02，穿過一條走廊行去Basehall 01，素食漢堡包在角落的位置。
這邊是Foodcourt形式運作，落單後會得到電子牌一個，準備好會通知你取餐。
餐牌上全部屬素食，漢堡有用真芝士，麵包亦有蛋奶成分，屬蛋奶素食。純素選擇目前只有Milkshake，有問過餐廳方面，純素選項目前還在研發階段，之後會慢慢推出。
WOW Truffle HK$78餐廳自設廠房製作素扒和素雞，素扒偏薄身，外層煎得略脆中間有點咬口，我覺得「牛」味唔算太重，配搭松靈醬、芝士和火箭菜很適合，滿足口慾之餘也不至於太飽滯。
WOW Buffalo HK$78素雞扒堡同樣有幾款口味，這個水牛城雞翼醬很外國Style，味道酸酸辣辣，越食越惹味。入面滿滿生菜絲多一重口感，喜歡吃濃味的朋友可以試這款。
Tater Tots HK$35我非常期待的其實係芝士醬脆薯寶，好久沒吃這東西，一啖一粒最開心。
Crinkle Cut Fries HK$35薯條都炸得幾好食，有四款口味shake shake粉可以選配，我們這次吃的是BBQ味，味道香濃幾上癮。
WOW Chick'n Nuggets HK$75/6pc新出的炸雞，跟漢堡的素雞扒是不同做法，我覺得這個口感更實在，有少許雞肉纖維感，香料味突出。
Dairy Free Milkshakes (HK Milktea) HK$55使用自家製純素雪糕和燕麥奶做的純素奶昔，我選了富香港特色的港式奶茶，不過味道唔算很奶茶，它的紅茶底不夠強烈，優點是不算很甜。它喝起來倒有點像我之前喝的一個台灣奶茶味蛋白粉，但減了代糖怪味。
點素食漢堡都可以加配套餐，可選薯條/薯寶，另有shake shake味粉和飲品，炸物份量都幾澎湃，跟朋友分享很讚！
张贴
