香港仔魚市場二合海鮮餐廳 (已結業)

疫情下冇得飛日本，日本築地魚市場都搬咗去豐州了，我地香港嘅築地，就梗係香港仔魚類批發市場🤣🤣，依度同日本唔同，大部份嘅位置都係真正批發用途，只係無啦啦有間冷氣房有間餐廳喺度😂😂，相信主要用嚟比在魚市場工作的工人食早餐食午飯用。/我哋五大一小其實都食咗好多嘢，今期奄仔蟹當做，就當然唔少得充滿黃油嘅奄仔蟹，同埋出街食海鮮一定會食嘅椒鹽賴尿蝦，因為呢啲係屋企好難整得好食😋，聖子、鮑魚和弦回到正常水準，掛住食無影相😂。/去到最尾食飽飽 大滿足，但都一定要叫骰仔西多，上枱嗰下大家都雙眼發光，就算好飽都好，都一定要試吓，小朋友見到，仲食唔停口添😂😂🤣