加東叻沙蝦麵

营业中

休息中

喺香港食叻沙，加東認第二，真係無一間可以認第一。超濃超椰奶叻沙湯底，真係無得輸！今日兩個人，叫咗個平日常叫嘅魚片叻沙，仲試咗未試過嘅肉骨茶。魚片叻沙 - 魚片、蝦、豆卜、瀨粉、椰奶叻沙濃湯底，真係好味到不得了，每次都飲曬啲湯咁滯。好肥啊！哈哈！肉骨茶 - 應該屬於馬拉風味，因為係藥材湯底。之前星加坡飲過嘅係清湯底，本人鍾意藥材湯底多啲，覺得比較「肉骨茶」。呢個湯底都好飲，不過藥材味再勁啲仲正。肉骨好琳，4條骨，算大條，肉都好多，有得食，配白飯同4粒仔油炸鬼。食完大滿足，唯一唔好係帶住成身叻沙味走，真係好大陣味。