The Poké Co (已結業)

有時候想食魚生但又唔想食咁多飯就會諗起嚟呢間食 POKE，覺得佢算係咁多間入面最抵食個間，款式又最多，好食同埋抵食，尤其用訂位app早啲去有五折時 😁 魚生嘅份量比其他店舖要多一啲，材料亦都新鮮豐富

LOMI-LOMI SALMON ❤️ (半價 $59)
評分：7/10.
朋友嗌咗呢個人人都實啱食嘅口味😙，有少量嘅壽司飯落肚，比起其他沙律底嘅會飽肚啲，三文魚大大粒🤤，一啲都唔比丼飯輸蝕，配料方面已經幫你調好晒味，但落嘅多數係粉末，只有一隻醬，所以呢個整體上比沙律版本乾身一啲，蔬菜方面有青瓜車厘茄薑同紫菜。感覺最揼本都係啲魚生到

CREAMY SALMON ❤️ (半價 $59)
評分：7.5/10.
諗咗好耐應唔應該嗌吞拿魚，今次最後都係揀左另外一款三文魚。沙律底水份比濕潤好多，幾鍾意佢放左 quinoa 粒粒口感令沙律變得幾特別 😉 呢個配搭三文魚多得嚟仲有芒果同牛油果。鐘意食菜的話揀呢個啦配料雜錦，調味都比較豐富一啲。不過留意返味道偏酸架，怕酸或者清店員唔好落咁多 citrus mayo & miso 啦

1