一品南記

营业中

休息中

平日都好鍾意過嚟河畔《一品南記 》呢邊食粥，而家裝修好靚，坐得舒服，企理乾淨，店員殷勤服務。生滾粥即叫即做，粥底好滑，今日叫咗個大滿貫樣樣齊乜都有，魚片小心有骨，豬皮、肉丸、皮蛋、牛肉片、魷魚等等。另外叫咗個季節限定~西洋菜皮蛋瘦肉粥，西洋菜纖維好高好健康，皮蛋瘦肉又香又滑。最喜歡佢嘅鹹肉粽，好大隻，整整一隻鹹蛋黃，肥豬肉餡料實在令人垂涎欲滴，有花生，本身好鍾意食鹹肉粽嘅我，唔使等端午節，正！另外，叫多個牛肉腸粉，都係即叫即做， 滑滑的，甜豉油令整個食物味道更上一層樓。有人要食薑蔥蠔油撈麵，配鯪魚球，呢個可以食到真味道，正！下次一定要點個招牌炸鯪魚球。臨走時見到隔離枱食緊手撕雞粥及叉燒腸，下次都要試埋呢兩個先。