咖哩葉

营业中

休息中

咖喱葉裝修好有格調，收工或者放假坐係到飲番一兩杯都幾舒服。台灣菜、日本菜都食得多，印度菜今次係第一次食，所以都幾期待。奶油雞肉串 $115雞肉串用鐵板上，令到外層好香脆，放落左都仲熱辣辣，雞肉用香料調味，食落好惹味，仲有陣陣奶油味，雞肉又好嫩滑，好好味。咖喱羊肉 $125印度咖喱香料味會重啲，帶有辣味，但唔算好辣，同其他國家咖喱以椰香或者甜味為主好唔同。羊肉用香料醃過，炆得好腍好入味。香辣咖喱蝦 $142香辣真心覺得辣，而且辣嘅後勁好厲害，咖喱仲會有細細粒辣椒粒，最鐘食辣一定會好鐘意，蝦好新鮮同彈牙。羊肉餡餅 $28餅皮好煙韌，餡料用羊肉混合香料辣椒材料打成蓉，好香味好好味。印度瑪沙拉茶(小壺) $35瑪沙拉茶即係奶茶加入香料一齊烹調，飲落有陣陣香料味飄出，特別得黎又好好飲。印式芒果酸奶 $45酸奶酸酸甜甜，好香芒果味，三種味都好濃郁。咖喱葉食物質素高，好香香料味，餐廳環境舒適，價錢以晚市同份糧黎講都算合理。