金記冰室 (置富南區廣場) (已結業)

今日少有地去南區搵食🤤在置富廣場露天位置竟然有間冰室戶外裝潢好特別，似足一艘船，就入左去食招牌的無冰奶茶。無冰實在係味濃、茶滑、不會太甜、奶味亦足。香港人識飲一定飲咸檸七。將咸檸打成蓉再整成球狀，融合埋7up，真係幾食飲。惹味黑椒牛舌粒炒飯飯炒得一粒粒，牛舌彈牙，豉油味濃。招牌鮮牛肉米粉超超超大片的牛肉，厚度適中，夠淋又有牛味，再配上薑絲、米粉，食極都停唔到。再食多隻傳統茶餐廳炸雞脾🤤好大隻，熱騰騰，外脆內滑，油味唔重。最後食多個甜點。金粒西多配雪糕唔駛自己切嘅西多係好食啲。