一君士多 (已結業)

呢排電視重播返烈火雄心，咁岩今日去開尖沙咀見到呢間一君士多，係門口仲見到老闆鄧一君都係舖頭，就即刻入去試試佢。佢入面係以懷舊做主題，裡面細細間，用左以前街市既紅燈罩做燈飾，而且簡約既木枱，有親切既感覺。入到去老闆已經第一時間幫我地安排座位，而且親身推薦佢地既招牌款色比我地，樣樣都親力親為，好抵讚。講返d野食先，一場黎到我叫左佢既招牌霸王麵，果然好足料，有鮑魚、花膠，廣島蠔同帶子，應該係我食過最富貴既車仔麵。湯底同平時食開既車仔麵好唔同，唔係普通滷水湯，不過如果d材料可以再入味d就更加好啦。小食方面，我地叫左招牌既蘑菇雞翼同一君炸蛋。佢既雞翼好用心，起左骨而且入邊釀左蘑菇，外皮脆脆地，確實好味。而炸蛋其實即係鵪𪂹蛋，出面比較少食到，都可以一試。總括黎講，一君士多算係一間好有香港懷舊特色既車仔麵店，經過不妨支持下。